Кашина
| Кашина | |
|---|---|
 Поглед кон селото | |
  Кашина | |
|
Местоположба во областа   Кашина | |
| Координати: 41°33′N 23°28′E / 41.550°N 23.467°E | |
| Земја | Бугарија |
| Област | Благоевградска област |
| Општина | Свети Врач |
| Површина | |
| • Вкупна | 17,143 км2 (6,619 ми2) |
| Надм. вис. | 728 м |
| Население (2024) | |
| • Вкупно | 7 [1]. |
| Час. појас | EET (UTC+2) |
| • Лето (ЛСВ) | EEST (UTC+3) |
| Пошт. бр. | 2831 |
Кашина (бугарски: Кашина) — село во Горноџумајско, Пиринска Македонија, во состав на денешната Свети Врач (Сандански) на Благоевградската област, југозападна Бугарија.[2]
Географија и местоположба
[уреди | уреди извор]Селото се наоѓа во југозападните падини на Пирин Планина, на надморска височина од 728 метри, на околу два часа пешачење од Рожен. Оддалечено е 16 километри источно од Свети Врач, административниот центар на општината, 61 километри на југ од Благоевград и 40 километри североисточно од градот Петрич.
На околу 40 минути од селото се наоѓа водопадот Скоко,,[3] кој се наоѓа на Лоповска (Кашинска) река, која тече покрај селото. Куќите во селото биле изградени од природни материјали како глина, дрво и камен.
Историја
[уреди | уреди извор]Отоманско Царство
[уреди | уреди извор]
Во текот на XIX век, селото било населено со христијани и било во составот на Демирхисарската каза на Отоманското Царство. Црквата „Успение на Пресвета Богородица“ потекнува од првата половина на XIX век.[4]
Во „Етнографија на Адријанопол, Монастир и Салоника“ се вели дека во 1873 г. во Кашина (Kachina) имало 64 домаќинства и 200 жители Македонци.[5] [6]
Според статистиката на Васил К’нчов („Македонија. Етнографија и статистика“) во 1900 година селото имало 180 жители, сите Македонци.[5][7]
Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во Кашина имало 256 Македонци, патријаршисти.[8][9]
Во почетокот на април 1905 година врховистите, предводени од капетанот Јордан Стојанов, започнуваат поход во Мелничко против Јане Сандански. Во ноќта помеѓу 6 и 7 април, врховистите заминуваат од селото Кашина и се упатуваат кон селото Ковачево, но пред полноќ наидуваат на неочекувана заседа, организирана од Јане Сандански. Во заседата учествувале четите на Сандански, Таската Серски, Атанас Тешовалијата, сѐ на сѐ околу седумдесет комити. Борбата се одликувала со необична жестина и во престрелката загинале седум врховисти, а шест биле ранети. Меѓу загинатите врховисти биле војводите Давитко, Партениев, потпоручникот Јанков и др., а капетанот Јордан Стојанов бил ранет и одвај се спасил, оставајќи околу четириесет врховисти во заробеништво. Другите се предале и биле разоружени.
По избувнувањето на Балканските војни во 1912 година, едно лице од селото било доброволец во Македонско-одринските доброволни чети.[10]
Бугарија
[уреди | уреди извор]По крајот на Балканските војни, селото било вклучено во составот на Бугарија.
Население
[уреди | уреди извор]Кашина е мало село. Според пописот од 2011 година, во селото живееле 10 жители, сите запишани како Бугари.[11]
На табелата е прикажан националниот состав на населението во селото:[12]
На табелата е прикажан бројот на населението во Кашина за периодот 1965-2011:[13]
| година | 1934 | 1946 | 1956 | 1965 | 1975 | 1985 | 1992 | 2001 | 2011 |
|---|---|---|---|---|---|---|---|---|---|
| население | 262 | 324 | 323 | 231 | 100 | 40 | 27 | 21 | 10 |
 |
| Број на население | |
| Вкупно | 10 |
| Бугари | 10 |
| Турци | - |
| Роми | - |
| Останати | - |
| Не се определиле | - |
| Без одговор | - |
Според Националниот статистички институт на Бугарија, по проценките од 31 декември 2015 година, во Кашина имало 15 жители.
Културни и природни знаменитости
[уреди | уреди извор]
Редовни настани
[уреди | уреди извор]На 28 август, односно на празникот на Пресвета Богородица секоја година се собираат жителите на селото да го прослават овој верски празник кој се смета за празник на селото. Во црквата се принесува курбан, се палат свеќи и има музика.
Личности
[уреди | уреди извор]- Димитар Кашалијата (1880 - 6 април 1905, Кашина) - македонски револуционер, серски војвода на Македонската револуционерна организација.
Наводи
[уреди | уреди извор]- ↑ www.grao.bg
- ↑ Guide Bulgaria, Accessed May 5, 2010
- ↑ Водопади в България – Водопад „Скока“, село Кашина, Южен Пирин
- ↑ Енциклопедия Пирински край, том I. Благоевград: Редакция „Енциклопедия“. 1995. стр. 425. ISBN 954-90006-1-3.
- ↑ 5,0 5,1 Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
- ↑ Македония и Одринско. Статистика на населението от 1873 г., Македонски научен институт, София, 1995.
- ↑ Кънчов, Васил. Македония. Етнография и статистика, София, 1900, стр. 188.
- ↑ Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
- ↑ D.M.Brancoff. „La Macédoine et sa Population Chrétienne“. Paris, 1905, р.192 – 193.
- ↑ „Македоно-одринското опълчение 1912 – 1913 г. Личен състав“, Главно управление на архивите, 2006, стр. 851
- ↑ „"&"Национален статистически институт. Население по области, общини, населени места и самоопределение по етническа принадлежност към 01.02.2011 г.“ (бугарски). Архивирано од изворникот на 2013-04-05. Посетено на 2012-03-18.
- ↑ „"&"Национален статистически институт. Население по области, общини, населени места и самоопределение по етническа принадлежност към 01.02.2011 г.“ (бугарски). Архивирано од изворникот на 2013-04-05. Посетено на 2012-03-18.
- ↑ „Справка за населението на с. Стара Кресна, общ. Кресна, обл. Благоевград“ (бугарски). Архивирано од изворникот на 2022-06-25. Посетено на 2018-02-04.
- ↑ „Национален статистически институт. Население по области, общини, населени места и възраст към 01.02.2011 г.“ (бугарски). Архивирано од изворникот на 2013-08-14. Посетено на 2012-03-18. Занемарен непознатиот параметар
|deadlink=(се препорачува|url-status=) (help)
| ||||||||||||||||||