Искендер Гази
Искендер Гази (турски: İskender Gâzi) — старо скопско маало.
Местоположба[уреди | уреди извор]
Ова маало било крајното маало на Скопје, од каде што потоа продолжувал патот кон градот Куманово. Северно од него не наоѓало маалото Крњево, јужно од него било маалото Хаџи Лала, а западно било Кебир Мехмед Челеби маало. Пред влезот на маалото имало зеленило. Од плоштадот Македонија било оддалечено 1230 метри источно.
Историја[уреди | уреди извор]
Според опширните османлиски дефтери за населението на Скопската Каза од 1832/33 година, маалото било мешано со муслиманско и христијанско население, одонсно со 18 муслимански и 11 христијански домаќинства. Христијанското население се населувало најчесто од селата на Скопската Котилина. На овој попис биле забележани 37 мажи муслимани, со 8 новороденчиња и 32 мажи христијани со едно новороденче. Кај муслиманските домаќинства биле забележани и 9 мажи коишто се населиле во маалото во скоро време. Се проценува дека маалото во тој период имало 174 жители.[1][2]
Сегашност[уреди | уреди извор]
Денес во рамките на некогашното маало има куќи и целото маало се смета за дел од поновото Карадаг Mаало. Низ маалото поминуваат улиците „Хусеин Бајрам“ и „Лазе Томи“. Спорти ова маало се наоѓа молот „Источна Порта“.
Наводи[уреди | уреди извор]
- ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.
- ↑ Османлиски документи за историјата на Македонија - пописи од XIX век на христијанското население - Скопски Санџак, каза Скопје. Скопје: д-р Емил Крстески. 2021.