Долна Митрополија
| Долна Митрополија Долна Митрополия | |
|---|---|
| град | |
 Зградата на општината | |
  Долна Митрополија | |
| Координати: 43°28′05″N 24°31′12″E / 43.468106° СГШ; 24.520057° ИГД | |
| Земја | Бугарија |
| Област | Плевен |
| Општина | Долна Митрополија |
| Управа | |
| • Градоначалник | Поља Цоновска (ГЕРБ, БЗНС, ВМРО-БНД, СДС) |
| Површина | |
| • Вкупна | 31,824 км2 (12,287 ми2) |
| Надм. вис. | 60 м |
| Население (2022) | |
| • Вкупно | 3,218 |
| • Густина | 100/км2 (260/ми2) |
| Часовен појас | EET (UTC+2) |
| • Лете (ЛСВ) | EEST (UTC+3) |
| поштенски код | 5855 |
| Повик. бр. | +359 06552 |
| Мреж. место | dolnamitropolia.acstre.com |
Долна Митрополија (бугарски: Долна Митрополија) — град во Северна Бугарија, административен центар на општината Долна Митрополија во Плевенската Област. Има население од околу 3.218 жители (2022).[1]
Географија и местоположба[уреди | уреди извор]
Градот се наоѓа во Дунавската Рамнина, на левиот брег на реката Вит и на 10 километри западно од регионалниот центар Плевен.
Историја[уреди | уреди извор]
На територијата на Долна Митрополија има остатоци од неколку антични римски населби. Во времето на Првата бугарска држава, во близина на античка населба во локалитетот „Барата“ се појавила нова населба, која постоела до 11 век. Најстарото бугарско село се наоѓало во близина на чешмата на „Циганската Могила“. Старите гробишта веројатно не биле на сегашното место, бидејќи стари христијански надгробни споменици се пронајдени во локалитетот северно од „Барата“ во близина на сегашното основно училиште. За прв пат името на Долна Митропола се споменува во официјален документ од 1496 година.
Во 1860 година, населението на Долна Митрополија броело околу 650 луѓе. За тоа време во населбата се активирала стопанска активност - директно поврзана со пазарот на жито во Плевен. За време на Руско-турската војна од 1877-1878 година, на почетокот романските, а потоа и значајните руски воени единици биле стационирани во Долна Митрополија. Овде на двапати се воделе жестоки битки на 1 октомври 1877 година и на 10 декември 1877 година.
Посебно и значајно место во историјата на Долна Метрополија зазема производната задруга „Бугарски шеќер“ основана од д-р Палаузов и проф. Асен Златаров. Фабриката била пуштена во употреба на 30 јуни 1930 година. Задругата поседувала сопствена електрана во селото Којнаре, а во 1942 година започнала со рафинирање на масла — основата на денешната фабрика за масло. Во 1948 година, комунистичките власти ја конфискувале и ја претвориле во државна сопственост. Во 1949 година „Бугарски шеќер“ станала инвеститор за изградба на првата фабрика за сточна храна во Бугарија.
На 13 септември 1977 година Долна Митрополија била прогласена за град.
Виша школа за воздухопловни сили[уреди | уреди извор]
Во непосредна близина на градот се наоѓа воздухопловната база Долна Митрополија, дом на авијацискиот факултет на Универзитетот за национална одбрана. Таму е стационирано 12-то крило за воздушна обука. Воздухопловната школа е создадена во 1945 година и го носи името на Георги Бенковски. Училиштето се преселило во Долна Митрополија во 1948 година, а во 2002 година било инкорпорирано како дел од Универзитетот за национална одбрана.[2]
Наводи[уреди | уреди извор]
- ↑ Таблица на адресно регистрираните по постоянен и по настоящ адрес лица oт дата 15.06.2022 г.
- ↑ История и дислокация на факултет "Авиационен" [History and Disposition of the Faculty of Aviation] (бугарски). Vasil Levski National Military University. Архивирано од изворникот 27 November 2012.