Газпром

Гаспром
Вид	јавно
ISIN	RU0007661625
Дејност	Гасна индустрија
Основано	1989
Основач	Влада на Руската Федерација
Седиште	Москва, Русија
Клучни личности	Виктор Зупков, Алексеј Милер
Услуги	земен гас; нафта; петрохемиски производи
Доход	▲ 153,0 милијарди долари (2012)
Оперативен доход	614.851.000.000 руска рубља (2020)
Нето-доход	▼ 38,7 милијарди долари (2012)
Вкупно актива	23.352.185.000.000 руска рубља (2020)
Сопственик	Влада на Русија (50,01%)
Вработени	393.000
Мреж. место	http://www.gazprom.com

ОАО „Гаспром“ (Отворено акционерско друштво „Газпром“) — најголем производител на земен гас во светот и најголемо претпријатије во Русија. Гаспром настанал во 1989 година, кога Министарството за гасна индустрија на Советскиот Сојуз било трансформирано во корпорација. Компанијата подоцна била делумно приватизирана, но и натаму руската влада има контролен удел.

Во 2008, компанијата произвела 549,7 милијарди кубни метри гас, што изнесува околу 17% од светското производство на гас. Поред тоа, компанија произвела 32 милиони тони нафте и 10,9 милиони тони кондензат за гас. Производството на Гаспром чини 10% од бруто домашниот производ на Русија во 2008 година.

Најголем дел од гасните полиња на Гаспром се наоѓале околу заливот Об во Јамало-ненецкиот автономен округ во западен Сибир, а се очекува дека Јамалскиот Полуостров ќе стане главна област за производство на гас во иднина. Гаспром има најголема мрежа за транспорт на гас во светот, со 158.200 километри гасовод.

Освен нафта и гас, исто така се занимава и со банкарство, осигурување, медиуми, градежништво и земјоделство.