Бернау кај Берлин

Од Википедија — слободната енциклопедија
Прејди на: содржини, барај
Бернау кај Берлин
Судот во Бернау
Судот во Бернау
Грб на Бернау кај Берлин
Бернау кај Берлин се наоѓа во Германија
Бернау кај Берлин
Управа
Земја Германија
Покраина Бранденбург
Округ Барним
Градски единици 5
Градоначалник Хуберт Хандке (CDU)
Основни податоци
Површина 103,73 км2
Надм. височина 68 м
Население 36.020 (31 декември 2012)[1]
 - Густина 347 жит/км2
Други информации
Часовен појас CET/CEST (UTC+1/+2)
Рег. табл. BAR
Пошт. бр. 16321
Повик. бр. 03338
Портал www.bernau-bei-berlin.de
Местоположбата на градот Бернау кај Берлин во рамките на округот Барним
Карта
Координати 52°40′00″ СГШ 13°34′59″ ИГД / 

Бернау кај Берлин (германски: Bernau bei Berlin, или познат само како Бернау) е град во округот Барним, во сојузната покраина Бранденбург, Германија. Градот се наоѓа на околу 10 километри североисточно од Берлин.

Историја[уреди]

Археолошките ископувања од мезолитот докажуваат дека оваа област била населена и пред околу 8800 п.н.е.. Градот бил прв пат споменат во 1232. Вистинската причина за неговото основање не е позната. Според легендата, Алберт Први го основал градот во 1140 поради доброто пиво кое му било понудено. Вистина е дека пивото било произведувано со водата од реката Панке. Затоа било забрането со закон да се загадува реката со отпад и измет пред деновите кога се произведувало пивото.

Бернау напредувал добро пред Триесетгодишната војна. Големи делови на одбранбените ѕидини и градските порти и шанците се потсетник на тоа време. Ова му помогнало на Бернау да се одбрани од напаѓачите, како Хуситите во 1432. По чумата и војната, Бернау бил сиромашен и мрачен. Фридрих Први населил 25 семејства во 1699.

Во 1842 била отворена железничката линија. Една од првите електрифицирана железничка линија во светот започнала со работа во 1924. Оваа линија на берлинската С-Железница го поврзувала Бернау со Берлин. Конфедерацијата на германските трговски комори отворила школа во 1930. Валдзидлунг („населба во шума“) е дел од градот, каде живееле политичките лидери на Источна Германија.

Старата оружарница
Фахверк куќи и станбени блокови.

Главни знаменитости[уреди]

Музеи[уреди]

Музејот за локалната историја има две седишта. Едното е градската порта со поранешниот затвор. Таа е една од трите поранешни градски порти, кои биле дел од одбранбените ѕидини. Денес, тука се прикажани оружјето и алатите за мачење од Средниот век. Обичниот мебел од неколку епохи и приборот на извршителот се прикажани во Хенкерхаус со цел да го прикажат животот во малиот град.

Во 2005 бил отворен музејот Волф Кален, во кој се прикажани медиумите.

Градби[уреди]

Црквата Св. Богородица преовладува на панорамата на градот. Наосот бил изграден во 15 век.

Големи делови од градските ѕидини и шанците од Средниот век се зачувани. Ѕидините се составени од неколку кули, оружарницата и градската порта.

До 1960, центарот на градот, затворен од ѕидините, бил составен од мали стари градби изградени во фахверк стил. Најголем дел од нив биле во лоша состојба поради немањето средства за нивна обнова, особено од страна на владата на Источна Германија. Било одлучено да се промени Бернау во град со социјалистичка архитектура. Скоро сите стари куќи биле срушени во 1960-тите и 1970-тите, а новите т.н. станбени блокови биле изградени на нивно место. Новите куќи имале најмногу четири ката со цел да се вклопат со архитектурата на историскиот концепт на градот.

Поранешната школа на трговските комори се наоѓа североисточно од градот. Таа е најголема градба во баухаус стил, покрај самиот Баухаус.

Сообраќај[уреди]

Линијата С2 на берлинската С-Железница го поврзува Бернау со Берлин. Регионалните возови го поврзуваат Бернау со Еберсвалде, Швет, Штралзунд, Франкфурт на Одра на север и со Берлин и Елстерверда на југ. Возови на долги релации постојат до Штралзунд, Дортмунд, Диселдорф, Дрезден и Амстердам.

Автопатот А11 од Берлин до Пренцлау и Шчеќин има два излеза во близина на градот.

Збратимени градови[уреди]

Бернау е збратимен со следниве градови:

Наводи[уреди]

Надворешни врски[уреди]