Вистина

Вистина е поим од врвно значење во области како филозофија, наука, право и религија. Во главно се разбира како склоп на факти и израз на она што е, што постои и што може да се утврди, наспроти лагата која го преставува она што не е и што не може да се утврди.

Вистината како философска категорија

Италијанскиот поет Џакомо Леопарди смета дека најголем дел од вистините за кои мислиме дека се апсолутни и општо се релативни и делумни. Исто така, тој вели дека ниту една нова вистина, особено ако е во спротивност со постојните сфаќања, дури ако е јасно докажана, не може да биде наеднаш прифатена (освен ако за неа нема материјални докази), таа може да се усвои само постепено, со текот на времето, онака како што луѓето ќе навикнуваат на неа. На тој начин, вистината која своевремено била исмејувана од современиците, најпосле станува општопозната. Овој отпор кон новите вистини е особено голем ако станува збор за фундаментални вистини кои уриваат голем број воспоставени мислења.

Вистината како тема во уметноста и во популарната култура

Вистината како тема во книжевноста

• „Вистина“ - суфиска приказна.
• „Три вистини“ - суфиска приказна.
• „Допивање на вистината“ - песна на македонската поетеса Ана Бунтеска од 2015 година.

Вистината како тема во популарната музика

• „Вистина“ (англиски: Truth) - албум на британскиот гитарист Џеф Бек (Jeff Beck) од 1968 година.
• „Кажи ја вистината“ (Tell the truth)“ - песна на блуз-рок групата „Дерек енд д Доминос“ (Derek and the Dominos) од 1970 година.
• „Време за вистина“ (Time for truth) - песна на британската рок-група „Џем“ (The Jam) од 1977 година.
• „Вистина“ (Truth) - албум на англиската поп-група „Њу Ордер“ (New Order) од 1981 година.
• „Далеку од вистината“ (Daleko od istine) - песна на хрватската рок-група „Азра“ од 1981 година.

Вистината како тема во филмот

• „Вистина или предизвик“ - германски филм од 2004 година, во режија на Јан Мартин Шарф и Арне Нолтинг.