Village People
| Village People | |
|---|---|
 Village People во 1978. | |
| Животописни податоци | |
| Потекло | Гринич Вилиџ, Њујорк, САД |
| Жанрови | |
| Период на активност | 1977–денес |
| Издавачи | |
| Мреж. место | villagepeople.com |
Village People ― американска диско група формирана во Њујорк во 1977 година. Групата е позната по костимите и униформите кои нејзините членови ги носеле на настапите во живо и во видео-спотовите и по сугестивните и често двосмислени стихови во нивните песни.
Создавањето на Village People директно му се припишува на францускиот композитор и продуцент Жак Морали, хомосексуалец кој сакал да создаде диско музика која ќе биде ценета од геј заедницата. На Морели, кој во раните 1970-ти продуцирал на низа диско хитови, во 1977 година му пристапил пејачот Виктор Вилис со демо лента. На Морали му се допаднало демото и на Вилис му ја претставил идејата за формирање група.[1] Основачки членови на групата биле Жак Морали, неговиот деловен партнер Анри Белоло и пејачот Виктор Вилис.[2] Името на групата потекнува од просперитетната геј населба Гринич Вилиџ на Менхетен.[3] Морали, користејќи го своето влијание во светот на дискотеките, се погрижил новата група да потпише договор со Casablanca records и набргу потоа Village People го издале нивниот прв албум „Village People“ (1977), со Вилис како единствен член на „групата“.[1]
Албумот станал меѓународен хит, а набрзо групата била многу барана за настапи во живо. Бидејќи Вилис не можел сам да пее, Морали ангажирал тим од танчери и резервни пејачи кои го поддржувале Вилис на сцената. Откако пораснала продажбата на плочи, Морали и Вилис ја увиделе потребата од создавање на постојана група.[4] Тие објавиле оглас во весник на кој пишувало: „Се бараат мачо типови: мора да танцуваат и да имаат мустаќи.“ [5] Глен Хјуз (моторџија), Дејвид Ходо (градежен работник) и Ренди Џонс (каубој) биле меѓу стотиците кои одговориле на огласот.[5] Морали во њујоршки геј бар го запознал Фелипе Роуз и го повикал во групата. Роуз во настапите во живо се облекувал во костим на индијански поглавар. Вилис во групата го повикал и Алекс Брили (кој првично не настапувал во костим, а потоа користел униформа на американски војник). Ликовите биле симболична група на американската мажественост[6] и мачо геј-фантазијата.[7] Денес, Вилис е единствен оригинален член во групата.[8]
Групата брзо стекнала популарност, и објавила неколку светски популарни диско и денс хитови, како: „Macho Man“, „In the Navy“, „Go West“ и „Y.M.C.A.“, кој бил нивен најголем хит. Во март 2020 година, Конгресната библиотека ја опишала песната „Y.M.C.A.“ како „американски феномен“ [9] и ја додала во Националниот регистар за записи, во кој се чуваат аудиоснимки кои се сметаат за „културно, историски или естетски значајни“.[10]
Дискографија[уреди | уреди извор]
- Village People (1977)
- Macho Man (1978)
- Cruisin' (1978)
- Go West (1979)
- Live and Sleazy (1979)
- Can't Stop the Music (1980)
- Renaissance (1981)
- Fox on the Box (1982)
- Sex Over the Phone (1985)
- A Village People Christmas (2018)
Постава[уреди | уреди извор]
Оригинални седум члена[уреди | уреди извор]
- Виктор Вилис (полицаец/адмирал/спортист/жиголо/без костим)
- Фелипе Роуз (Индијанец)
- Алекс Брили (Војник/без костим)
- Ли Мутон (моторџија)
- Марк Муслер (градежен работник)
- Дејвид Форест (каубој)
- Питер Вајтхед (без костим)
Наводи[уреди | уреди извор]
- ↑ 1,0 1,1 „Why Do the Village People Dress Like That?“. Today I Found Out (англиски). 2018-03-07. Посетено на 2023-10-26.
- ↑ „Village People Co-Founder, Songwriter Henri Belolo, Dies“. www.nytimes.com. August 7, 2019. Архивирано од изворникот на August 8, 2019. Посетено на January 15, 2022.
- ↑ „Review: Gay Sex in the 70s“. KDHX. 2000.
- ↑ Wikane, Christian John (May 30, 2014). „Under the Hard Hat: An Interview with Village People's David Hodo“. popmatters.com.
- ↑ 5,0 5,1 Village People, Rolling Stone, Vol. 289, April 19, 1979.
- ↑ Rabb, John (June 24, 1979). „Macho Comes to Music“. Washington Post.
- ↑ „Spin Magazine Online: Y.M.C.A. (An Oral History)“. Spin.com. May 27, 2008. Посетено на August 19, 2011.
- ↑ „Remember The Village People? Here's Where They Are Today“. Distractify.com. January 11, 2020. Посетено на October 17, 2021.
- ↑ „National Recording Registry Class Produces Ultimate 'Stay at Home' Playlist“. Library of Congress – National Recording Registry. March 25, 2020. Посетено на March 25, 2020.
- ↑ „The Village People's YMCA is preserved for posterity“. BBC News. March 25, 2020. Посетено на March 25, 2020.
Надворешни врски[уреди | уреди извор]
|