The Saturdays

Од Википедија — слободната енциклопедија
Прејди на прегледникот Прејди на пребарувањето
The Saturdays
Биографски податоци
Потекло Лондон, Велика Британија
Жанрови Поп
Денс-поп
R&B
Електропоп
Период на активност 2007-сегашност
Издавачи Polydor, Fascination, Geffen
Соработници S Club 8
Girls Aloud
Mini Viva
Мреж. место thesaturdays.co.uk
Членови
Уна Хили
Моли Кинг
Френки Сендфорд
Ванеса Вајт
Рошел Хјумс

The Saturdays (во превод саботите) е британско/ирска женска поп група, формирана во јуни 2007 година во Лондон, Велика Британија. Групата е составена од членовите Уна Хили, Моли Кинг, Френки Сендфорд, Ванеса Вајт и Рошел Хјумс (родено име Вајсман). Имаат издадено три студиски албум, два EP и 17 синглови.

Музичка кариера[уреди | уреди извор]

2007-2009: Создавање, Chasing Lights и The Work Tour[уреди | уреди извор]

The Saturdays е формирана во 2007 година како две од девојките Френки и Рошел биле поранешни членови на групата S Club 8. По создавањето групата потпишува договор со Polydor, а потоа и со Fascination.

Во јули 2008 излегува деби синглот If This Is Love кој го зазема осмото место во Велика Британија. Песната беше издадена од страна на Fascination и Polydor Records на 27 јули 2008 година како водечкиот сингл од албумот Chasing Lights. Песната е придружена со нејзината Б-страна What Am I Gonna Do. Потоа тргнуваат на турнеја со Girls Aloud. Во октомври истата година излегува песната Up и достигнува до петтата позиција во UK Singles Chart, а подоцна излегува на пазарот и деби албумот Chasing Lights. Тој достигнува до деветтата позиција во Велика Британија и е продаден во вкупно 400 илјади копии. Во почетокот на 2009 излегува третиот сингл од албумот, Issues и достигнува до 4-то место во Велика Британија. Пред пролетта 2009 тргнуваат на турнеја (Work Tour), а во март излегува песната Just Can't Get Enough и достигнува до второто место во Велика Британија. Во јуни излегува последниот сингл од албумот Work кој се искачува до 22 мeсто.

2009-2011: Wordshaker и Headlines![уреди | уреди извор]

Во октомври 2009 се враќаат со песната Forever Is Over и се искачува до второто место во UK Singles Chart. Една недела по издавенето на синглот излегува и вториот студиски албум Wordshaker. Албумот достигна до деветтата позиција, а продадени 100 илјади копии. Во почетокот на 2010 излегува и песната Ego која застанува на деветтата позиција. Во летото на 2010 излегува песната Missing You и се задржува на третата позиција. Една недела по издавањето на песната е издаден и првиот мини-албум Headlines! и има поголем успех од издадените два и достигнува до третата позиција во Велика Британија, а продажбата од него се 200 илјади копии. Есента е издадена песната Higher која достигнува десеттото место. Во почетокот на 2011 тргнуваат на втората турнеја (Headlines Tour).

2011–2012: On Your Radar и Arena Tour[уреди | уреди извор]

Групата почна да работи за третиот студиски албум. Во мај излегува првиот сингл од албумот Notorious и достигнува до осмото место во Велика Британија. Во летото на 2011 излегува видеото на песната All Fired Up, а синглот излегува во почетокот на септември и достигнува до третото место. Во есента излегува видеото на третиот сингл од претстојниот албум My Heart Takes Over, а самиот сингл е издаден во ноември 2011. Песната достигна до 15 место . Во декември групата планира да тргне на третата турнеја (All Fired Up Tour). На 21 ноември излегува третиот студиски албум On Your Radar и достигнува до 23-то место во Велика Британија .

2012-2014: Living For The Weekend и Chasing The Saturdays[уреди | уреди извор]

На 30 март 2012 на BBC Radio 1 во The Chris Moyles Show беше претставен новиот сингл "30 Days", кој излегува на 14 мај. Песната е рангирана на 7 позиција во UK Singles. Во декември истата година излегува следниот сингл "What About Us" кој се искачува до 1 место и е нивниот прв број 1 сингл во Велика Британија. The Saturdays имаат и реалити шоу за нивната група и е наречена Chasing The Saturdays која беше премиерно прикажана на E! каналот на 20 јануари. Со тоа групата ја освои Америка и Chasing The Saturdays беше најгледаното шоу таа недела со 72 илјади гледања. На 28 јуни 2013 година излегува "Gentleman", кој зазема 14-та позиција во британскиот чарт за песни. Следниот сингл се појавува на 4 октоври, а тој е "Disco Love", а на 14, истиот месец излегува четвртиот албум на групата "Living for the Weekend", кој го зазема 10 место во Велика Британија. Петтиот сингл од албумот е Not Giving Up кој достигна до 19 место во Велика Британија.

2014: Greatest Hits Live! и Finest Selection: The Greatest Hits album[уреди | уреди извор]

The Saturdays беа на нивната четврта турнеја Greatest Hits Live! во септември 2014 година и го издадоа албумот "Finest Selection: The Greatest Hits" со сите нивни синглови, заедно со 3 нови песни. Во 2015 година, The Saturdays прават пауза од групата и работат на соло проекти. Ванеса Вајт во 2016 година го издаде својот соло EP "Chapter One". Моли Кинг на 19 август 2016 го издаде деби синглот "Back To You", а Уна Хили во февруари 2017 го издава деби албумот "The Waiting Game".

Дискографија[уреди | уреди извор]

Албуми[уреди | уреди извор]

Студиски албуми:

  • „Chasing Lights“ (2008)
  • „Wordshaker“ (2009)
  • „On Your Radar“ (2011)
  • „Living For The Weekend“ (2013)

EPs:

  • „iTunes Live: London Festival '09“ (2009)
  • „Headlines!“ (2010)
  • „Chasing The Saturdays“ (2013)

Видеоалбуми:

  • „Headlines! Live From The Hammersmith Apollo“ (2011)

Синглови[уреди | уреди извор]

  • "If This Is Love" (2008)
  • "Up" (2008)
  • "Issues" (2009)
  • "Just Can't Get Enough" (2009)
  • "Work" (2009)
  • "Forever Is Over" (2009)
  • "Ego" (2010)
  • "Missing You" (2010)
  • "Higher" (featuring Flo Rida) (2010)
  • "Notorious" (2011)
  • "All Fired Up" (2011)
  • "My Heart Takes Over" (2011)
  • "30 Days" (2012)
  • "What About Us" (2013)
  • "Gentleman" (2013)
  • "Disco Love" (2013)
  • "Not Giving Up" (2014)
  • "What Are You Waiting For" (2014)

Надворешни врски[уреди | уреди извор]