Црква „Св. Спас“ - Матка

Од Википедија — слободната енциклопедија
Прејди на: содржини, барај
Coat of arms of the Macedonian Orthodox Church.png
Macedonian cross.svg
Свети Спас
Sveti Spas (Matka).jpg

Црквата Свети Спас во кањонот Матка

Македонска православна црква
Епархија Скопскa
Местоположба
Населено место Матка
Општина Сарај
Држава Македонија
Општи податоци
Покровител Исус Христос
Изградба XIV век
Архитектонски опис
Портал „МПЦ“

Свети Спас е православна христијанска црква која се наоѓа во кањонот Матка високо над левиот брег на реката Треска во непосредна близина на селото Горна Матка. Црквата се наоѓа на зарамнето планинско плато точно над браната и хидроцентралата Матка, во месноста Петров Камен под Марков Град, на 1 час пешачење од манастирот Успение на Пресвета Богородица и во непосредна близина под разрушената средновековна црква Света Недела. До црквата води и широк земјен пат од селото Горна Матка.

Свети Спас е мала еднокорабна црква. Нејзината изградба датира најверојатно од доцниот 14-ти век била изградена врз контурите на постар и многу поголем култен објект. Месното население со оваа црква го поврзува мошне силниот култ кон Свети Спас.[1].

Во непосредна близина на црквата Свети Спас, непосредно јужно и југо-западно во дворот на црквата стојат остатоците од темелите на 2 ранохристијански цркви Света Троица и Свети Ѓорѓија, кои се обележани со икони од овие светци. Свети Тројца или Св.Архангел Михаил е јужната градба. Tоа е црква од 12-13 век, времето на византиските владеења. На овој простор се наоѓаат расфрлани или вградени во црквите повеќе камени архитектонски делови кои, според своите карактеристики, потекнуваат од раноримскиот и доцноантичкиот период. Тие припаѓале на две култни градби: храм и базилика.[2]. Остатоците од црквата Света Троица (Св.Архангел Михаил) се позабележителни и во нив и во денешно време во олтарниот дел стојат крст, икони и кандило за свеќи, додека низ целата површина на храмот стојат повеќе од остатоци од столбови карактеристични за римското време.

По долги години на запуштеност и неактивност од неодамна во црквата повторно почнаа да се одржуваат општонародни прослави на нејзиниот патронен празник Спасовден (Воведение Христово), на почетокот на летото.[3], на кои присуствуваат стотици верници од Скопје и околните села Шишево, Сарај, Горна и Долна Матка. На 19 септември 2010 година, во пресрет на верскиот празник Рождество на Пресвета Богородица, меѓу народот познат како Мала Богородица, беа свечено поставени и осветени темелите за изградба на нова ѕидана камбанарија висока 9 метри.

Наводи[уреди | уреди извор]

Галерија[уреди | уреди извор]