Холистан

Од Википедија — слободната енциклопедија
Пустина Холистан
Деравар е најдобриот преживеан пример за тврдините кои биле користени за да ги чуваат пустинските каравански рути.
Географија
МестоположбаПенџаб, Раџастан
ЗемјаПакистан, Индија
Координати28°30′N 70°00′E / 28.5° СГШ; 70° ИГД / 28.5; 70 

Пустина Холистан или Чолистан (урду: صحرائے چولستان‎; пенџапски:چولستان روہی‎), месно познат и како Рохи( روہی‎ )[1] ― пустина во јужниот дел на Пенџаб, Пакистан која е дел од поголемата пустина Тар,[2] која се протега до покраината Синд и индиската држава Раџастан. Тоа е една од двете големи пустини во Пенџаб, а другата е пустината Тал.[3] Името е изведено од туркискиот збор „хол“, што значи „песоци“ и „истан“, персиска наставка што значи „земја на“.[4]

Холистан бил средиште за караванска трговија, што довело до изградба на бројни тврдини во средновековниот период за заштита на трговските патишта од кои тврдината Деравар е најдобро зачуваниот пример.[5]

Географија[уреди | уреди извор]

Чолистан зафаќа површина од 25 800 км2[2][6] во областите Бахавалпур, Бахавалнагар и Рахим Јар Кан во јужен Пенџаб. Најблискиот голем град е градот Бахавалпур, 30 км од работ на пустината. Пустината се протега во должина од околу 480 километри, а ширината варира помеѓу 32 и 192 километри. Се наоѓа од 27°42'00 до 29° 45'00 северно и 69°57' 30 до 72° 52' 30 источно.[7] 81% од пустината е песочна, додека 19% се одликува со алувијални рамнини и мали песочни дини.[8] Целиот регион е подложен на опустинување поради сиромашната вегетациска покривка што резултира со еолска ерозија.[8]

Клима[уреди | уреди извор]

Климата во Холистан се одликува како сува и полусува тропска пустина[9] со многу ниска годишна влажност.[10] Просечната температура во Холистан е 28.33 °C (82.99 °F), а најтопол месец е јули со просечна температура од 38.5 °C (101.3 °F).[9] Летните температури можат да надминат 46 °C (115 °F), а понекогаш се зголемуваат над 50 °C (122 °F) за време на периоди на суша.[9] Зимските температури повремено се спуштаат до 0 °C (32 °F).[9] Просечните врнежи во Холистан се до 180 мм, а јули и август се највлажните месеци,[9] иако сушите се вообичаени. Водата се собира сезонски во системот на природни басени наречен тоба,[9] или вештачки базени наречени кунд.[8] Подземната вода се наоѓа на длабочина од 30–40 метри,[9] но е најчесто соленкаста и несоодветна за повеќето растенија.[2]

Галерија[уреди | уреди извор]

  • Одгледувачи на камили во Чолистан.
    Одгледувачи на камили во Чолистан.
  • Повремени холистански колиби, месно познати како гопа.
    Повремени холистански колиби, месно познати како гопа.
  • Тврдината Деравар.
    Тврдината Деравар.

Поврзано[уреди | уреди извор]

Наводи[уреди | уреди извор]

  1. ↑ Journal of Asian Civilisations (англиски). Taxila Institute of Asian Civilisations. 2002.
  2. ↑ 2,0 2,1 2,2 Khan, M. Ajmal; Weber, Darrell J. (16 мај 2006). Ecophysiology of High Salinity Tolerant Plants (англиски). Springer Science & Business Media. ISBN 978-1-4020-4018-4.
  3. ↑ Nadiem, Ihsan H. (2005). Punjab: land, history, people (англиски). al-Faisal Nashran. ISBN 978-969-503-283-1.
  4. ↑ „What's in a Name? Or -Stan by Your Land“. Slate Magazine (англиски). 25 септември 2001. Посетено на 13 ноември 2023.
  5. ↑ „Derawar and the Desert Forts of Cholistan“. UNESCO World Heritage Centre (англиски). Посетено на 13 ноември 2023.
  6. ↑ Mares, Michael A.; Okla.), Oklahoma Museum of Natural History (Norman (1999). Encyclopedia of Deserts (англиски). University of Oklahoma Press. ISBN 978-0-8061-3146-7.
  7. ↑ Malik, Sher Muhammad; Fazlur-Rahman; Ali, Amjad (2017) : Sustainability of subsistence livelihoods of agro-pastoralists in changing socioeconomic environment of Cholistan desert-Pakistan, Pakistan Journal of Commerce and Social Sciences (PJCSS), ISSN 2309-8619, Johar Education Society, Pakistan (JESPK), Lahore, Vol. 11, Iss. 3, pp. 1100-1133.
  8. ↑ 8,0 8,1 8,2 Akram, Muhammad; Kahlown, Muhammad Akram; Soomro, Zamir Ahmed (2008). Lee, Cathy; Schaaf, Thomas (уред.). „Desertification Control for Sustainable Land Use in the Cholistan Desert, Pakistan“. The Future of Drylands (англиски). Dordrecht: Springer Netherlands: 483–492. doi:10.1007/978-1-4020-6970-3_44. ISBN 978-1-4020-6970-3.
  9. ↑ 9,0 9,1 9,2 9,3 9,4 9,5 9,6 „Camel rearing in Cholistan desert of Pakistan“. ResearchGate (англиски). Посетено на 13 ноември 2023.
  10. ↑ Wariss, Hafiz Muhammad, Muhammad Mahmood Mukhtar, Shazia Anjum, Ghulam Raza Bhatti, Saeed Ahmad Pirzada and Khurshid Alam. “Floristic Composition of the Plants of the Cholistan Desert, Pakistan.” (2013).

Надворешни врски[уреди | уреди извор]

Преземено од „https://mk.wikipedia.org/w/index.php?title=Холистан&oldid=5102261“