Намиб

Од Википедија — слободната енциклопедија
Прејди на прегледникот Прејди на пребарувањето
Намиб
Namib
Namib desert MODIS.jpg
Сателитска снимка на пустина Намиб во Намибија.
LocationNamib.png
Приближни граници на пустината.
Должина2.000 km (1,200 ми)
Ширина200 km (120 ми)
Површина81.000 km2 (31,000 sq mi)
Географија
ЗемјиНамибија, Јужноафриканска Република и Ангола
Реки
Светско наследство на УНЕСКО
Службен називNamib Sand Sea
КритериумNatural: vii, viii, ix, x
Навод1430
Запис2013 (XXXVII заседание)
Површина3,077,700 ha
Преоден појас899,500 ha

Намиб е крајбрежна пустина во јужна Африка.Според пошироката дефиниција за границите на пустината, таа е протега на повеќе од 2000 километри покрај атлантскиот брег на Намибија, но и Ангола и ЈАР. Северно почнува од јужните предели околу реката Карунџамба во Ангола, продолжува низ цела Намибија и завршува кај реката Олифантс во ЈАР.[1][2][3] Најсеверниот дел на пустината, што е од реката Карунџамба па сè до анголско-намибиската граница е познат како пустина Мосамедес (околу 450 км во должина).Јужните делови на пустината се спојуваат во соседната пустина Калахари. Од атлантскиот брег па источно пустината постепено достигнува до 200 во внатрешноста на континетот.[1] Годишните врнежи се од 2 мм во најпустинските предели па сè до 200 мм во некои сртови, што ја прави пустината Намиб единствена вистинска пустина во јужна Африка.[1][3][4] Овој регион издржал пустинска и полупустинска клима во минатите 55 до 80 милиони години, што ја прави пустината најстара во светот.[1][4]

Пустинската геологија се состои од ергови во близина на брегот, а во внатрешноста има расштркани планини и рамнини. Песочните дини, од кои некои се високи и до 300 метри и долги 32 километри, се вторите најголеми во светот, по тие во Бадин Џаран во Кина.[1] Температурите покрај брегот се стабилни и се помеѓу 9–20 °C (48–68 °F) годишно, а ви внатрешноста варираат. Дневните летни температури поминуваат и 45 °C (113 °F) додека ноќе се дури и до смрзнувачки.[5]

Намиб е скоро ненаселена од луѓе, освен некои малк населби и староседелски групи, меѓу кои Химбанци и Херерци во северниот дел, и Наманци во централниот.[3] Поради староста, Намиб е дом на ендемски видови растенија и животни, најмногу од која било друга пустина во светот.[5] Повеќето од дивиот свет се антроподи и други мали животни кои живеат со многу мала количина вода, а во северниот дел може да се најдат и покрупни видови на животни.[5]

Име[уреди | уреди извор]

Името „Намиб“ потекнува од наманскиот јазик, што во превод значи „распространето место“.

Наводи[уреди | уреди извор]

  1. 1,0 1,1 1,2 1,3 1,4 Goudie, Andrew (2010). „Chapter 17: Namib Sand Sea: Large Dunes in an Ancient Desert“. Во Migoń, Piotr (уред.). Geomorphological Landscapes of the World. New York, NY: Springer. стр. 163–169. ISBN 978-90-481-3054-2.
  2. Stone, A. E. C. (2013-06-01). „Age and dynamics of the Namib Sand Sea: A review of chronological evidence and possible landscape development models“. Journal of African Earth Sciences. 82: 70–87. doi:10.1016/j.jafrearsci.2013.02.003. ISSN 1464-343X.
  3. 3,0 3,1 3,2 Gates, Henry Louis; Appiah, Kwame Anthony, уред. (2010). Encyclopedia of Africa. 2. Oxford: Oxford University Press. стр. 213. ISBN 978-0-19-533770-9.
  4. 4,0 4,1 Spriggs, Amy. „Namib desert (AT1315)“. Wild World. World Wildlife Fund. Посетено на 11 December 2011.
  5. 5,0 5,1 5,2 Nicholson, Sharon E. (2011). Dryland Climatology. Cambridge: Cambridge University Press. стр. 385–388. ISBN 978-0-521-51649-5. Посетено на 13 December 2011.

Надворешни врски[уреди | уреди извор]

Commons-logo.svg
Ризницата има слики и снимки поврзани со: