Судска палата (Брисел)

Од Википедија — слободната енциклопедија
Прејди на: содржини, барај
Бриселска судска палата
Palais de justice de Bruxelles (француски)
Justitiepaleis van Brussel (холандски)
Justitiepaleis1.jpg
Главната фасада во фаза на реновирање
Општи податоци
Стил еклектика, неокласика
Местоположба Брисел, Белгија
Координати 50°50′12″ СГШ 4°21′06″ ИГД / 
Сегашни станари Суд на Белгија
Изградбата започнала 31 октомври 1866
Пуштена во употреба 15 октомври 1883
Трошок за изградба 45 милиони белгиски франци
Клиент Влада на Белгија
Сопственик Влада на Белгија
Висина 104 м
Димензии
Пречник 160 м x 150 м
Технички податоци
Подна површина 260.000 м²
Проектирање и изградба
Архитект Жозеф Пуларт
Стара разгледница. Може да се забележи пониската купола.

Судска палата во Брисел (хол. Justitiepaleis van Brussel, фр. Palais de justice de Bruxelles) — најважното судско здание во Белгија како и значајна знаменитост на градот Брисел. Изградена е во периодот помеѓу 1866 и 1883 г. во еклектичен стил, дело на архитектот Жозеф Пуларт. Вкупиот трошок за нејзината изградба, земја и опремување изнесувал околу 45 милиони белгиски франци. Се смета за најголемото неверско здание подигнато во XIX век.

Историја[уреди | уреди извор]

Почетоци[уреди | уреди извор]

Во 1860 г., бил организиран меѓународен архитектонски конкурс за нацрт на судска палата. Било решено дека поднесените нацрти се неприфатливи и сите учесници биле одбиени. Во 1861 г., тогашниот министер за правда, Тес, го назначил Жозеф Пуларт за одговорен архитект за зградата. Првиот камен-темелник е удрен на 31 октомври, 1866, а било отворено по смртта на неговиот архитект, на 15 октомври, 1883 г. Со цел да се обезбеди место за зградата, бил срушен голем дел од градското соседство Маролен. На нивно големо негодување, Пуларт во соработка со полицијата ги приморувал локалните жители да се отселат, по што зборот „архитект“ одтогаш добил погрдно и навредливо значење. Палатата е сместена на ридот Галгенберг, каде во Средниот век се беселе осудениците.

Реновирање[уреди | уреди извор]

Кон крајот на Втората светска војна, вечерта пред денот на ослободувањето на Брисел, Германците во повлекување започнале да пукаат по судската палата со намера да ја уништат. Како резултат на ова куполата се срушила, а еден дел од зградата бил тешко оштетен. До 1947 г. најголемиот дел од зградата бил поправен, а куполата била одново изградена, но овој пат 2,5 м повисока од претходно.

Од 2003 г. е започнато реновирање на зданието. Овој проект има за цел да ја зајакне покривната конструкција и ѕидовите, како и поставување на нов слој позлата врз куполата.

Димензии[уреди | уреди извор]

Судската палата во Брисел е поголема од базиликата Свети Петар во Рим. Зградата е со димензии 160 на 150 метри[1], а изградената површината на градбата изнесува 260.000 м². Куполата е висока 104 метри[2] и тежи 24.000 тони. Палатата има 8 внатрешни дворишта со површина од 6000 м², 27 големи судници и 245 помали, покрај разните други простории. Сместена е на рид, изградена на различни нивоа на теренот, така што разликата помеѓу предниот и задниот дел на зградата изнесува 20 м. Заради оваа разлика палатата има повеќе влезови на различни катови.

Влијание[уреди | уреди извор]

Адолф Хитлер бил страстен обожавател на оваа зграда, и затоа во соработка со Алберт Шпер подигнал неколку монументални зданија по урнек на планот на оваа зграда. Повеќе на: Нацистичка архитектура.

Иако без купола, и многу помала по димензии, палатата на Врховниот суд на Перу во Лима, Перу е заснована на бриселската судска палата.

Галерија[уреди | уреди извор]

Наводи[уреди | уреди извор]

Надворешни врски[уреди | уреди извор]