Река

Реката Мари во Австралија

Река е голем природен воден пат. Реките често водат до поголеми водни маси како на пример, до океан, или пак, езеро. Реката се состои од повеќе основни делови, почнувајќи од извори, изворишта, и врутоци, што се влеваат во главниот тек. Постојат и помали реки кои се влеваат во реката и кои се викаат притоки. Водата тече по речно корито, со дно наречено речно дно, помеѓу два речни брега. Крајниот дел на реката најчесто се нарекува устие, и реката обично се проширува на крајот и формира делта или естуар.

Реката како мотив во уметноста и популарната култура

Постојат бројни примери на реката како тема во уметноста и во популарната култура.

Реката како тема во книжевноста

• „Кажи ѝ на реката“ - расказ од македонската писателка Жанета Станоевска, од 2011 година.
• „На реката“ (To the River) - песна на Едгар Алан По од 1829 година.
• „Запис за реката“ - песна на југословенскиот поет Мак Диздар.
• „Река“ - песна на арапскиот поет Ибн Хефаџа.

Реката ккао тема во популарната музика

• „Однеси ме до реката (Take me to the river)“ - песна на американската рок-група „Токинг хедс“ (Talking heads) од 1978 година.
• „Дупка во реката“ (Hole in the river) - песна на австралиската поп-група „Краудед хаус“ (Crowded House) од 1986 година.
• „По реката“ (Uz rijeku) - албум на југословенската рок-група „Фит“ од 1988 година.
• „Река“ (Rijeka) - песна на југословенската рок-група „Фит“ од 1988 година.
• „Скокни во реката (Jump in the river)“ - песна на ирската пејачка Шинејд О'Конор од 1989 година.
• „Крај бреговите на реките“ (Along the Banks of Rivers) - песна на американската рок-група „Тортоиз (Tortoise)“ од 1996 година.
• „На реките вавилонски“ (By the Rivers of Babylon) - песна на групата „Бони М“ (Bony M).
• „Река“ (The River) - албум на музичарот „Али Фарка Туре“ (Ali Farka Touré).
• „Средба крај реката“ (A Meeting By the River) - композиција на американскиот музичар Рај Кудер и индискиот музичар Вишва Мохан Бат.