Жанета Станоевска
Жанета Станоевска (1955, Прилеп) — македонска писателка и преведувачка.
Животопис[уреди | уреди извор]
Жанета Станоевска е родена во 1955 година, во Прилеп, но во 1960 година се преселила во Скопје. Тука ги завршила основното и средното училиште, а во 1977 година дипломирала на Филозофскиот факултет при Универзитетот “Св. Кирил и Методиј” во Скопје, на Катедрата за англиски јазик и литература. Од 1978 до 1996 година работела во Македонската радио-телевизија, во Редакцијата за обработка на туѓа програма, како преведувач на детски, документарни и играни филмови. Во 1996 година се вработила во Агенцијата за цивилно воздухопловство на Република Македонија, во како советник и преведувач во Одделението за меѓународни работи.
Творештво[уреди | уреди извор]
Во 1986 година, Станоевска станала член на Друштвото на литературните преведувачи на Република Македонија, со преводот на збирката раскази од Оскар Вајлд “Среќниот принц и други раскази”. Со своите куси раскази, во 2008 година Станоевска освоила една прва и две втори награди на конкурсот “Електролит” на издавачката куќа “Темплум”. Во 2011 година ја објавила збирката куси раскази со наслов “Луѓе, птици и сеништа: Збирка раскази”, во издание на “Темплум”.[1]
Наводи[уреди | уреди извор]
- ↑ Жанета Станоевска, Луѓе, птици и сеништа: Збирка раскази, Темплум, Скопје, 2011.