ДМБУЦ „Илија Николовски Луј“ - Скопје

Илија Николовски-Луј
Поглед на училиштето Поглед на училиштето
Место
Општина:	Општина Центар
Наречено по:	Илија Николовски-Луј
Нас. место:	Скопје
Адреса:	ул. „Црвена Скопска Општина“, бр. 4
Местоположба
Основни информации
Основано:	1945 (1945)
Директор:	Даница Стојанова
Настава на:	македонски и албански
Контактни информации
Мреж. место	dmbuc.edu.mk

Илија Николовски-Луј
Место
Општина:	Општина Центар
Место:	Скопје
Основни информации
Основано:	1945
Настава на:	македонски и албански
Контактни информации

Државен музичко-балетски училиштен центар „Илија Николовски-Луј“ (официјално Државен музичко-балетски училиштен центар „Илија Николовски-Луј“ - Скопје; скратено: ДМБУЦ „Илија Николовски-Луј“) — централно основно и средно музичко училиште во градот Скопје, Општина Центар.

Училиштето е именувано по истакнатиот македонски композитор Илија Николовски-Луј.

Основање и развојот

Државниот музичко-балетскиот училиштен центар „Илија Николовски - Луј“ од Скопје, основан 1945 година, е училиште од посебен интерес за државата. Во него се образуваат кадри од музичката и балетската уметност и како единствен центар од ваков вид тој претставува јадро од кое произлегуваат идните музички и балетски уметници и педагози, кореографи, диригенти, композитори и други музички и балетски културни дејци.

Центарот е поделен на основно и на средно образование.

Дејноста во основното музичко и балетско образование се одвива во две насоки: масовно ширење на музичката и балетската култура и професионално насочување на учениците од основниот оддел кон средното насочено образование.

Во основното музичко и балетско образование се опфатени ученици од градските и приградските населби на Скопје.

Во средното образование се образуваат кадри од образовните профили: музичар-изведувач, музичар теоретичар, балетски играч - балерина и фолклорен играч. Во средно образование се опфатени ученици од различни градови на Македонија.

Познати личности кои учеле во ова училиште

• Благоја Чешларов - трубач, музички педагог, музички продуцент во Радио Скопје
• Ирена Ветерова - светски позната балерина
• Ламбе Алабаковски - пејач
• Викторија Лоба - пејачка

Познати личности кои предавале во ова училиште

• Зуица Лазова - македонска фолк пејачка
• Зоран Џорлев - македонски музичар и виолинист