Зуица Лазова
| Зуица Лазова | |
|---|---|
| Роден(а) | 31 октомври 1974 Штип, .svg){kind=small} СР Македонија |
| Жанрови | народна музика, поп-фолк музика |
| Занимања | пејачка |
| Период на активност | 1995 - сè уште |
Зуица Лазова (р. 31 октомври 1974 во Штип) — македонска фолк пејачка.
Животопис
[уреди | уреди извор]Лазова е родена во Штип. Нејзините родители, Донка и Ристо починале за време на нејзината младост.[1] Таа работи како професор по хармоника во музичкото училиште „Илија Николовски-Луј“ во Скопје. Мажена е за познатиот македонски фолк пејач Наум Петрески со кого живеат во Скопје и со кого имаат две деца — Македонка и Стефан.[2] Покрај музиката, таа е позната и како водителка на телевизиската емисија „Зајди зајди“, која се прикажуваше на телевизијата „Алфа“ до 2016 год.
Музичка кариера
[уреди | уреди извор]Единствениот албум со авторски песни го има објавено во 1999 година во издание на МРТ, а притоа, Зуица Лазова има учествувано на речиси сите фестивали во Македонија, како на пример, „Валандово“, „Цветници“, „Охрид фест“,[3] „Низа“, „Прилеп фест“ и „Роса“,[4] а учествувала на фестивали и во Бугарија. Заедно со други македонски исполнители, Лазова е наградувана на фестивалот „Пирин фест“. Најпозната нејзина песна е „Утринска коба“ со која има победено и била избрана за песна на годината на фестивалот Цветници во 2001 година, а на истиот има добиено дури 5 награди.[5] Повторно освојува прва награда на фестивалот Цветници во 2016 год, делејќи ист број гласови со Сузана Спасовска.
Во 2015 година, заедно со Наум Петрески, Лазова го издала албумот со староградски песни „Незаборав“.[1] Истата година учествува и на проектот со народни ревулуционерни песни „Непокор“, со композицијата „Абер си Јане получил“.
Во 2022 година, заедно со Наум Петрески, учествува како специјален гостин на Пирин фолк Сандански во Бугари, изведувајќи ги нејзините најголеми хитови во ревијален дел.[6]
Спотови
[уреди | уреди извор]| Спот | Година | Режисер |
|---|---|---|
| Утринска коба | 2002 | - |
| Абер си Јане получил | 2015 | МРТ, проект „Непокор“ |
| Не се фаќај Доне Донке | 2016 | - |
| Еј Дамјане либе | 2017 | - |
| Малку барам јас | 2021 | Миле Грозданоски |
| Скопје | 2021 | Миле Грозданоски |
| Немој не прашувај | 2021 | Миле Грозданоски |
| Кој ја роди песната | 2021 | Миле Грозданоски |
| Капни солзо | 2021 | Миле Грозданоски |
| Боже прости ми | 2021 | Миле Грозданоски |
| Не ми носи бели рози | 2021 | |
| Разболела се Ленка Пингова | 2021 | |
| Земјо мила | 2023 | Скендеровски Продукција |
| Мојата хармоника | 2024 | Гарски продукција |
| Ќе ти купам широк фустан, Зуице | 2024 | Гарски продукција |
| Горда Македонка | 2025 | Скендеровски Продукција |
Наводи
[уреди | уреди извор]- 1 2 „Построга сум како родител отколку како професор“, Антена, број 877, 17 април 2015, стр. 4-5.
- ↑ „Зуица и Наум ќе градат куќа во Припор“. Утрински Весник. 13 декември 2006. Архивирано од изворникот на 2022-06-14. Посетено на 2011-06-22.
- ↑ „Биба Додева и Зуица Лазова најдобри за публиката“. Дневник. Посетено на 2011-06-22.[мртва врска]
- ↑ „Седум години фестивал „Роса" на 1 декември“. Утрински Весник. 28 ноември 2006. Архивирано од изворникот на 2023-09-01. Посетено на 2011-06-22.
- ↑ „"Утринска коба" на Зуица Лазова прогласена за фолк-хит на годината“. Дневник. Архивирано од изворникот на 2016-03-04. Посетено на 2011-06-22.
- ↑ „Zuica Lazova & Naum Petreski“. YouTube. Посетено на 2026-01-05.
Надворешни врски
[уреди | уреди извор]- Утринска коба - изведба со Џорлев
- Тиквешка елегија - дует со Наум Петрески
- Податоци за изданија Архивирано на 21 октомври 2021 г. евидентирани од ВБУ Музички Регистар.
- Zuica Lazova & Grupa Cardak - Utrinska koba