Радомир (врв)

Радомир
Радомир
	Калабак
	Поглед на врвот од планината Огражден
Највисока точка
Надм. вис.	2.029 м
Координати	41°19′17″N 23°7′14″E / 41.32139°N 23.12056°E
Друго име	Калабак
Географија
	РадомирМестоположба на Радомир во рамките на Пиринска Македонија Радомир на карта
Место	Петричко и Демирхисарско; (денес во Бугарија и Грција)
Област	Пиринска / Егејска Македонија
Матичен венец	Беласица

Радомир (старо: Калабак^[2]; бугарски: Радомир, грчки: Καλαμπάκα, Калабака) — највисок врв на планината Беласица. Висок е 2.029 м^[1] и се наоѓа во Петричко, на самата границата меѓу Пиринска и Егејска Македонија.

Местоположба

Врвот е сместен 9 км југозападно од градот Петрич. Се издига на главното планинско било, западно од врвот Дебело Брдо и источно од врвот Лозен. Има пирамидален облик со многу стрмни падини на запад и југ. Сочинет е од метаморфни карпи. Почвите околу него се планинско-ливадски и кафеави шумски, а покриен е со подалпската тревна растителност. По билото поминува државната граница меѓу денешна Бугарија и Грција. Обележан е со граничната пирамида бр. 24.

Име

Сè до 29 јуни 1942 година врвот го носел името Калабак, кое и денес се користи меѓу мештаните. Новото име му е дадено во чест на македонскиот цар Гаврил Радомир.

Патеки

Главни пристапи за искачување на планината се градот Петрич (6 часа), селото Димидово (денес Самуилово, 5 часа), и планинарските домови „Лопово“ (2 часа), „Конгур“ (3 часа) и „Беласица“ (4,5 часа) од бугарска страна, како и селото Мандраџик (6 часа) од грчка страна.

Галерија

Поглед на Радомир од североисток
Поглед од врвот Радомир на запад
Поглед на врвот
Поглед на врвот

Поврзано

Наводи

1 2 Група автори (2016). „Беласица“. Студија за геодиверзитетот и геонаследството на Република Македонија и другите компоненти на природата (PDF). Скопје: Министерство за животна средина и просторно планирање. стр. 107. ISBN 978-9989-110-90-0.
↑ Научноинформационен център „Българска енциклопедия“ (2015). Промени в наименованията на физикогеографските обекти в България 1878 – 2014 г. София: Книгоиздателска къща „Труд“. стр. 179. ISBN 978-954-398-401-5.

Надворешни врски

Слики од Радомир Архивирано на 22 декември 2015 г.
Радомир — PeakBagger (англиски)

[Геодив-1] 1 2 Група автори (2016). „Беласица“. Студија за геодиверзитетот и геонаследството на Република Македонија и другите компоненти на природата (PDF). Скопје: Министерство за животна средина и просторно планирање. стр. 107. ISBN 978-9989-110-90-0.

[2] Научноинформационен център „Българска енциклопедия“ (2015). Промени в наименованията на физикогеографските обекти в България 1878 – 2014 г. София: Книгоиздателска къща „Труд“. стр. 179. ISBN 978-954-398-401-5.

[1]

[2]