Матерка
| Матерка | |
|---|---|
| |
| Тимјан (Thymus vulgaris) | |
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| клад: | Астериди |
| Ред: | Усноцветовидни |
| Семејство: | Усноцветни |
| Род: | Матерка L.[1] |
| Типски вид | |
| Тимјан (Thymus vulgaris) L. | |
| Синоними[2] | |
| |
Матерка (науч. Thymus) — род со околу 350[3] видови на ароматични многугодишни растенија и полугрмушки високи до 40 см, кои припаѓаат на семејството на усноцветните растенија. Членовите потекнуваат од умерените региони на Европа, Северна Африка и Азија. Стеблата се тенки и жичести, а листовите се многугодишни кај повеќето видови, наредени наспрамно, овални, целосни и мали, долги 4–20 mm и најчесто ароматични. Цветовите се групирани во густи терминални главички, со нееднаква чашка, кај која горната усна е троделна, а долната е расцепена. Венчето е цевчесто, долго 4-10 мм, бело, розово или лилјаково.
Неколку видови од овој род се одгледуваат како кулинарски билки или украсни растенија. Најпознати растенија од овој род се мајчината душичка (Thymus serpyllum) и тимјанот (Thymus vulgaris).
Видовите од родот на матерката се користат како храна од страна на ларвите на некои пеперутки (Chionodes distinctella) и тврдокрилците C. lixella, C. niveicostella, C. serpylletorum и C. struella, од кои последните три се хранат исклучително со матерка.
Ендемски видови во Македонија
[уреди | уреди извор]Во Македонија виреат неколку ендемски видови од овој род:[4]
- алшарска матерка (Thymus alsarensis)
- Емова матерка (Thymus oehmianus)
- караџичка матерка (Thymus karadzicensis)
- скопска матерка (Thymus skopjensis)
Наводи
[уреди | уреди извор]- ↑ Linnaeus.Sp. Pl.: 590 (1753).
- ↑ Kew World Checklist of Selected Plant Families
- ↑ „Thymus Linnaeus“. Flora of China.
- ↑ Македонска енциклопедија, том II. Скопје: Македонска академија на науките и уметностите. 2009. стр. 927–928. ISBN 978-608-203-024-1.
Надворешни врски
[уреди | уреди извор]
|