Колонија (филм од 2013)

„Колонија“
	Филмскиот плакат
Режисер	Џеф Ренфро
Продуцент	Пол Баркин; Метју Керви; Пјер Ивен
Сценарист	Џеф Ренфро
Главни улоги	Кевин Зегерс; Бил Пакстон; Шарлот Саливан; Атикус Мичел; Џон Тенч; Лиса Бери; Џулијан Ричингс; Лоренс Фишберн
Музика	Џеф Дана
Кинематографија	Пјер Гил
Студио	RLJ Entertainment
Дистрибутер	Entertainment One; Image Entertainment
Премиера	26 април 2013 г. (Канада); 20 септември 2013 г. (САД)
Времетраење	93 минути
Земја	Канада
Јазик	англиски; + македонски (титла);
Буџет	16 милиони канадски долари

Колонија (англиски: The Colony) — канадски постапокалиптичен научнофантастичен акционен филм од 2013 г. во режија на Џеф Ренфро, со Лоренс Фишберн, Кевин Зегерс и Бил Пакстон во главните улоги. Имал ограничено издание на 26 април 2013 г. во Канада, а бил објавен на 20 септември 2013 г. во САД.^[2]

Содржина[уреди | уреди извор]

Разоткривачко предупредување: Следат подробности што го разоткриваат дејството и/или заплетот.

Во 2045 г., луѓето научиле да градат кули за управување на времето. Но еден ден одеднаш почнало да паѓа ненормално силен снег и возилата се расипале. Луѓето биле принудени да се засолнат под земја во посебни бункери за да го избегнат чудовишниот студ на површината. Нивниот проблем станува одгледувањето храна и контролирањето на болести. Двајца поранешни војници, Бригс и Мејсон, се водачи на еден од овие бункери — Колонија бр. 7.

Повик за помош доаѓа од блиската Колонија 5, а Бригс, Сем и Грејдон се упатуваат таму. По пристигнувањето, откриваат дека населението од колонијата некаде исчезнало, а трагите од борба и крв се видливи насекаде. Тие на крајот наоѓаат затворена врата, зад која го откриваат Лејланд. Тој им покажува порака дека група луѓе успеале да дојдат до метеоролошка кула, да ја поправат и да го стопат снегот. Лејланд вели и дека некој дошол на патеката на една од нивните групи и создал цел крвав кошмар во колонијата. Тој одбива да го напушти своето скривалиште и останува зад затворената врата. Бригс и неговите содружници почнуваат да шетаат низ просториите на Колонијата бр. 5 и наоѓаат група човекојадци, кои го слушаат својот водач. Тие ги гонат новодојденците и го убиваат Грејдон. Бригс и Сем се искачуваат низ вентилацискиот отвор и го разнесуваат.

На пат кон дома, Бригс и Сем откриваат гонители што го преживеале избувнувањето на Колонијата бр. 5. Тие наумуваат да ги задржат на полуразрушен патен мост, но Бригс е убиен од динамит, рушејќи го средишниот дел на мостот. Откако стигнува до колонијата, Сем открива дека Мејсон го презел раководството на колонијата. Мејсон одбива да го слуша Сем и ги приведува него и неговата девојка Кај. Тие успеваат да се ослободат и Сем ѝ покажува на Кај на компјутерскиот сателит податоци за работната метеоролошка кула. Во исто време, човекојадците ја напаѓаат колонијата. Жителите на колонијата се обидуваат да возвратат и умираат еден по друг. Мејсон, откако пука во пропанов резервоар, се убива себеси и повеќето човекојадци, а избувнувањето предизвикува пожар во колонијата. Сем се бори со водачот на човекојадците и го убива. Преживеаните луѓе бегаат преку вентилацискиот систем и ја напуштаат запалената колонија во потрага по работната метеоролошка кула.

Улоги[уреди | уреди извор]

Глумец	Улога
Лоренс Фишберн	Бригс
Бил Пакстон	Мејсон
Кевин Зегерс	Сем
Шарлот Саливан	Кај
Џон Тенч	Виктор
Лиса Бери	Нара
Атикус Мичел	Грејдон
Дру Вигевер	водачот на Дивите
Романо Орзари	Рејнолдс
Мајкл Мендо	Купер
Ерл Пастко	научникот
Џулијан Ричингс	Лејланд