Клаудио Лопес

Клаудио Лопес
Лични податоци
Полно име	Клаудио Хавиер Лопес
Роден на	17 јули 1974(1974-07-17)
Роден во	Рио Терсеро, Аргентина
Држава	Аргентина
Висина	&100000000000001780000001,78 м
Играчки податоци
Позиција	напаѓач
Повлекување	2011 (36 г.)
Кариера*
Години	Клуб	Наст.†	(Гол.)†
1992–1996	Расинг Клуб	116	(25)
1996–2000	Валенсија	126	(47)
2000–2004	Лацио	106	(29)
2004–2007	Клуб Америка	87	(27)
2007–2008	Расинг Клуб	34	(10)
2008–2009	КС Визардс	57	(13)
2010	Колорадо Рапидс	11	(0)
Репрезентација
1996	Аргентина 23	17	(7)
1995–2003	Аргентина	55	(10)

Клаудио Хавиер Лопес (шпански изговор: [ˈklauðjo ˈlopes]; роден на 17 јули 1974 година, во Рио Терсеро) — поранешен аргентински фудбалер, кој играл на позицијата напаѓач.

Неговио прекар бил El Piojo (вошката).

Клупска кариера

Почетоци

Како дете Лопес се посветил на кошарката, играјќи како плејмејкер, но подоцна се одлучил за фудбалот, заедно со неговиот најдобар пријател Диего Иван Уерта, започнувајќи ја својата кариера во Индепендиенте де Рио Терсеро, во 1988 година. Во 1989 година, тој станал за државен детски шампион со таа екипа, на турнирот одржан во Хухуј. По краток престој во Уракан, од градот Кордоба, тој се вратил во Индепендиенте де Рио Терсеро во 1990 година.

Во 1990 година, бизнисменот Мануел Патињо платил за Лопес 5.000 американски долари, носејќи го младиот напаѓач во младинскиот сектор на Естудијантес де Ла Плата. Таму играл во шесттата лига, но не се адаптирал и се врати во родниот град. Во 1992 година, Лопес играл за Клуб Атлетико Университарио (Кордоба), а една година подоцна бил повикан да се приклучи на репрезентацијата под 17 години, чиј селектор бил Реиналдо Мерло. Сепак, натпреварите кои тимот требал да ги игра биле прекинати и тој ја загубил можноста да го носи дресот на Аргентина.

Истата година, тој му се приклучил на Расинг.

Расинг

Лопес го направил своето деби за Расинг на 20 септември 1992 година, во натпревар од Апертура првенството против Депортиво Еспањол, загубен со 1-0; под водството на тренерот Умберто Грондона, Лопес добил шанса да влезе во игра на 14 минути пред крајот, заменувајќи го парагвајскиот напаѓач Карлос Луис Торес. Тој одиграл 7 натпревари во првенството и исто така учествувал во Суперкопа Судамерикана 1992, каде Расинг стигнале до финалето во кое загубиле од Крузеиро.

Неговиот прв гол за Расинг го постигнал во Торнеос де Верано, против Индепендиенте во 1993 година во натпревар што завршил 3-3. Во Клаусура 1993, каде Расинг завршил на шесттото место, Лопес одиграл 12 од 19 натпревари во првенството постигнувајќи го својот прв гол во последното коло: тоа се случило во натпреварот против Талjерес, во кој Расинг победил со 4-0, а тој бил избран за играч на натпреварот од магазинот El Grafico.

Додека јужноамериканските репрезентации се натпреварувале на Копа Америка 1993 во Еквадор, а подоцна и во квалификациите за Светското првенство 1994, во Аргентина бил организиран Торнео Сентенарио 1993, турнир во кој учествувале 20 екипи од Примера Дивисион. Расинг го започнал турнирот против Индепендиенте, во натпревар во кој токму Лопес го постигнал победничкиот гол во успехот со 2-1. Тој, исто така, одиграл одлична партија во реваншот: му дал две асистенции на својот партнер во нападот, Хуан Рамон Флеита, Расинг победил со 3-2 и го елиминирал својот градски ривал од натпреварувањето. Лопес не застанал тука, напротив во третиот натпревар на тој турнир, против Велес Сарсфилд го постигнал првиот хет-трик во кариерата за победата со 3-2. Откако Велес бил минат, следниот ривал на Расинг бил Ривер Плејт. Во изендачен натпревар во кој немало голови, 0-0 до 80-тата минута, Лопес надвор од баланс со удар со левата нога ја сместил топката во мрежата на Ривер за конечните 1-0. Поразите од Белграно со 3-2 и од Сан Лоренцо со 2-1 сепак значеле елиминација за Расинг од турнирот. Оваа екипа на Расинг, предводена од Хуан Хосе Пицути и Родолфо Дела Пика е еден од најзапаметените меѓу фановите на Расинг, пред се поради младоста на играчите како Игнасио Гонсалес, Карлос Галван и Клаудио Марини, а посебно во сеќавањето останала напаѓачката двојка (Флеита - Лопес), наречена Лос Лигеритос.

На почетокот на Апертура 1993, Карлос Бабингтон ја презел тренерската функција во Расинг. Тимот имал одлична сезона, а Лопес одиграл 18 од 19 натпревари, плус еден за Суперкопа Судамерикана. Првиот гол во првенството го постигнал против Платенсе во третото коло, со удар со со левата нога. Неговите асистенции биле клучни за тимот кој заврши на третото место, само еден поен зад шампионот Ривер Плата. Добрите игри во Апертура му носеле добри изгледи на Расинг за висок пласман во Клаусура 1994, но тимот овојпат не се претставил многу добро. Лопес одиграл 18 натпревари и постигнал три гола: првиот го постигнал во поразот на Расинг со 3-2 од Депортиво Еспањол, потоа во градското дерби против Индепендиенте, во ремито 2-2, а последниот во победата над Њуелс Олд Бојс со 2-0 во Авељанеда. Во првата половина на 1994 година, тој го освоил својот прв професионален турнир во кариерата, Копа де Инвиерно 1994: Расинг го победил Насионал Монтевидео со 3-1 со еден гол на Лопес и Рампла Хуниорс со 1-0.

Европа

Лопес останал со Валенсија пет години, помагајќи му на тимот да биде второпласиран во Лигата на Шампионите во сезоната 1999-2000, по порзазот од во финалето од Реал Мадрид со 3-0. Со добрите игри во Валенсија, Лопес направил трансфер во Лацио во Серија А за износ од 35 милиони евра. Тој бил во партнерство со сонародникот Ернан Креспо во напаѓачката линија. За жал, Лопес страдал од повреди за време на неговиот престој во Лацио. Во текот на Лигата на шампионите во сезоната 2000-2001, тој постигнал гол од корнер против Андерлехт на Олимпискиот стадион во Рим.

Репрезентативна кариера

Лопес имал истакната кариера со репрезентацијата на Аргентина. По освојувањето на сребрениот медал со екипата под 23 години за време на Летните олимписки игри 1996, Лопес настапил и на Светското првенство 1998 година. Тој постигнал гол против Холандија во четврт-финалето, кога ја пласирал топката помеѓу нозете на Едвин ван дер Сар за да донесе привремено водство, иако Аргентина на крајот била поразена со резултат од 2-1.

Надворешни врски

• Клаудио Лопес на soccerway
• Клаудио Лопес на transfermarkt
• Клаудио Лопес на espn