Изумрен, мртов или исчезнат јазик е јазик кој нема говорници,[1] или кој не е е во активна употреба. Научно, изумрените јазици често се споредуваат со мртвите јазици, кои сепак се познати во оредена форма или во некој контекст, но не како основно средство за комуникација. Така на пример, старомакедонскиот јазик е изумрен јазик, додека старословенскиот е мртов јазик. Како и да е, овие два поима во македонскиот функционираат како синоними еден на друг.
Научно, мртвите јазици се разликуваат од исчезнатите јазици, првенствено бидејќи мертвите јазици се користат во некои сфери од општествениот живот, а исчензнатите не. Така на пример, тракискиот јазик не е во никаква употреба и научно се смета за исчезнат, додека старословенскиот, латинскиот и коптскиот се користат за литургии и се сметаат за мртви јазици.
Како мртви јазици се сметаат и старите фази на еден јазик. Пример за ова се развојните фази на англискиот јазик. Староанглискиот јазик се смета за мртов јазик бидејќи денешниот англиски подлегнал на голем број промени и значајно се разликува од староанглискиот.
