Григориј Перелман

Од Википедија — слободната енциклопедија
Прејди на прегледникот Прејди на пребарувањето
Григориј Перелман
Perelman, Grigori (1966).jpg
Григориј Перелман во 1993
Роден13 јуни 1966 (1966-06-13) (53 г.)
Ленинград, РСФСР, Советски Сојуз
ЖивеалиштеСанкт Петербург, Русија
ДржавјанствоРуско
ПолињаМатематика
ОбразованиеДржавен универзитет во Ленинград
ТезаСедлови површини во евклидовите простори“ (1990)
Докторски ментор
Познат по
Поважни награди
  • Награда од Математичко друштво во Санкт Петербург (1991)
  • Награда од Европско математичко друштво (1996), одбиена
  • Филдсов медал (2006), одбиена
  • Милениумска награда (2010), одбиена

Григориј Јаковлевич Перелман (руски: Григо́рий Я́ковлевич Перельма́н, 13 јуни 1966) — руски математичар. Перелман имал значителни придонеси во римановата геометрија и геометриската топологија.

Во 1994 година, Перелман ја докажал теоремата „Душа“ во областа на диференцијалната геометрија. Во 2003 ја докажал (потврдена во 2006) хипотезата на Турстон. Со ова, следствено, била решена и пункаровата хипотеза.

Во август 2006, на Перелман му бил доделен филдсовиот медал[1] за „неговите придонеси во геометријата и неговиот револуционерен увид во аналитичката и геометриската структура на протокот на Ричи, но тој ја одбил наградата изјавувајќи „Јас не сум заинтересиран за пари и слава и не сакам да бидам ставен на излог како животно во зоолошка градина.[2] На 22 декември 2006 година, научното списание „Наука“, го означило доказот за пункаровата хипотеза на Перелман како научно „достигнување на годината“, прво такво признание во областа на математиката.[3]

На 18 март 2010 година, било најавено дека Перелман го постигнал критериумот за добивање на првата награда за милениумски проблем на математичкиот институт Клеј[4] поради решението на пункаровата хипотеза. На 1 јули 2010 година, тој ја одбил наградата во вредност од 1 милион долари, велејќи дека одлуката на бордот на математичкиот институт Клеј не била фер и дека неговото решение на пункаровата хипотеза не било поголемо од она на Ричард Хамилтон, математичарот кој бил пионер на протокот на Ричи со цел решавање на пункаровата хипотеза.[5][5][5][6][6] Перелман исто така ја одбил престижната награда на европското математичко друштво.[7]

Наводи[уреди | уреди извор]

  1. „Fields Medals 2006“. International Mathematical Union (IMU) - Prizes. Архивирано од изворникот на October 9, 2006. конс. April 30, 2006. 
  2. Russian maths genius Perelman urged to take $1m prize“, BBC News, 24 март 2010.
  3. Dana Mackenzie. Breakthrough of the year. The Poincaré Conjecture—Proved. „Science“ том  314 (5807): 1848–1849. doi:10.1126/science.314.5807.1848. PMID 17185565. 
  4. „The Poincaré Conjecture“. Архивирано од изворникот на July 5, 2014. конс. May 1, 2014. 
  5. 5,0 5,1 5,2 Последнее "нет" доктора Перельмана“, 1 јули 2010 (посет. 1 јули 2010 г).
  6. 6,0 6,1 Malcolm Ritter (July 1, 2010). „Russian mathematician rejects $1 million prize“. AP on PhysOrg. Архивирано од изворникот на January 17, 2012. конс. May 15, 2011. 
  7. Грешка во наводот: Погрешна ознака <ref>; нема зададено текст за наводите по име bbc.