Внатрешна Добруџанска Револуционерна Организација

Од Википедија — слободната енциклопедија
Прејди на: содржини, барај
Печат на ВДРО.
Знаме на ВДРО.

Внатрешна Добруџанска Револуционерна Организација (бугарски: Вътрешна Добруджанска Революционна Организация; романски: Organizaţia Internă Revoluţionară Dobrogeană) — поранешна бугарска националистичка и револуционерна организација која оперирала во романска Добруџа од 1923 г. до 1940. Романските власти ја гледале на ВДРО како терористичка организација, додека во Бугарија се сметала за ослободително движење.

Историја[уреди | уреди извор]

Организацијата била основена во 1923 г. под лидерство на Дочо Михајлов а под основа на Големата Добруџанска Конвенција (бугарски: Велика Добруджанска Конвенция), бугарска политичка организација основана во 1919 г. за да се бори против трансферот на Јужна Добруџа кон Романија. Четите на оваа организација се бореле против широкото разбојништво, како и против романската администрација во регионот. Како ВМРО во Македонија и ВТРО во Тракија, ВДРО побарала политичка автономија на Добруџа врз основа на мандатот на Друштвото на Народите, ширејќи го слоганот за воспоставување на "автономна Добруџа" под надлежност на друштвото и "Добруџа за Добруџаните".

Во 1925 г. левички настроена група наречена Добруџанска Револуционерна Организација (бугарски: Добруджанска Революционна Организация) се отцепила од организацијата под влијание на Бугарската Комунистичка Партија. Оваа група се борела за воспоставување на Советска Република Добруџа, која ќе биде дел од "Балканската Комунистичка Федерација" или ќе стане република на Советскиот Сојуз. Поделбата на ВДРО значително ја попречила работата на организацијата иако таа продолжила со својата активност во различни форми сè до 1940 г. кога Јужна Добруџа била вратена на Бугарија според условите на Крајовскиот Договор.

Галерија[уреди | уреди извор]