Вавилонска кула

Од Википедија — слободната енциклопедија
Прејди на: содржини, барај
Вавилонска кула
Pieter Bruegel the Elder - The Tower of Babel (Vienna) - Google Art Project.jpg
Вавилонска кула од Питер Бројгел Постариот
Општи податоци
Град Вавилон
Земја денешен Ирак

Вавилонска/Бабилонска кула (хебрејски: מִגְדַּל בָּבֶל) — претставува мит кој објаснува зошто луѓето во светот зборуваат различни јазици[1][2][3][4]. Кулата исто така е поврзана и со изградбата на градот Вавилон, каде се наоѓала кулата.

Кулата според Библијата[уреди | уреди извор]

Според Библијата по Потопот[5], човечкото општество го претставувало еден народ, кој говорел на еден јазик. Од исток народот се насочил кон земјата Шинар (на долниот тек на Тигар и Еуфрат), и го изградиле градот (Вавилон) и една висока кула до небото „за да си создадаат свое име“. Градбата на кулата била прекратена од страна на Бог, кој го „помешил“ јазикот на народот, поради кое тие престанале да се разбираат еден помеѓу друг. Народот на Вавилон не можел да продолжи со изградбата на кулата бидејќи се распрснале по целата земја што дотогаш ја познавале. Така историјата за Вавилонската кула ја објаснува појавата на различните јазици по Потопот.

Овие податоци датираат околу 2 000 години п.н.е.. Самата градба има многубројни митологични паралели.

Кулата според јудаизмот[уреди | уреди извор]

Смешување на јазиците - Густав Доре

Многу иследувачи легендата за градбата на Вавилонската кула ја поврзуваат со изградбата на храмови-кули во овој регион. Кулите се исто така нарекувани и зикурати. Врвовите на самите кули служеле за религиозни обреди како и за астрономски истражувања. Вавилонската кула претставува највисокиот зикурат (91 метри), кој се наоѓал во Вавилон. Кулата се нарекувала Етеменанки односно „дом, помеѓу небото и земјата“. Асирскиот цар Синахериб во 689 година п.н.е. го преземал Вавилон и Етеменанки започнал да се руши. Зикуратот бил повторно обновен во времето на Навуходоносор II[6][7]. По уништувањето на Јудеја, евреите се преселиле во Вавилон. И покрај тоа што до ден денеска не е докажано, се смета дека самите евреи учествувале во градбата на Вавилонската кула.

Самата градба на Вавилонската кула е поврзано со негативниот однос на евреите кон Вавилон како и тогашното гледиште на населението на Вавилон за што е можно повеќе доближување до Бог. Градот во текот на столетијата бил политички и воен противник на јудаизмот. Во Библијата, Вавилон станал симбол на гревот.

Занимливости[уреди | уреди извор]

Зградата на Европскиот парламент е поврзана со формата на неизградената вавилонска кула. Многу христијани овој факт го гледаат кон стремежот на Европјаните кон бунт со Бога.

ЕУ исто така многу често се поврзува со Вавилонската кула поради постоењето на многу официјални јазици (23 од 1 јануари 2007), со кое дополнително се создаваат проблеми во комуникацијата.

Наводи[уреди | уреди извор]

  1. Metzger, Bruce Manning; Coogan, Michael D (2004). The Oxford Guide To People And Places Of The Bible. Oxford University Press. стр. 28. ISBN 978-0-19-517610-0. https://books.google.com/books?id=amlXOOaSuLMC. конс. 22 декември 2012 г. 
  2. Levenson, Jon D. (2004). „Genesis: Introduction and Annotations“. Berlin, Adele; Brettler, Marc Zvi. The Jewish Study Bible. Oxford University Press. стр. 29. ISBN 9780195297515. https://books.google.com/?id=aDuy3p5QvEYC&printsec=frontcover&dq=The+Jewish+study+Bible#v=onepage&q&f=false. 
  3. Graves, Robert; Patai, Raphael (1986). Hebrew Myths: The Book of Genesis. Random House. стр. 315. ISBN 9780795337154. https://books.google.com/?id=4sqWAwAAQBAJ&printsec=frontcover&dq=Hebrew+Myths:+The+Book+of+Genesis.+Random+House#v=onepage&q&f=false. 
  4. Schwartz, Howard; Loebel-Fried, Caren; Ginsburg, Elliot K. (2007). Tree of Souls: The Mythology of Judaism. Oxford University Press. стр. 704. ISBN 9780195358704. https://books.google.com/?id=60iVk1p8Y9IC&printsec=frontcover&dq=Tree+of+Souls+:+The+Mythology+of+Judaism:+The+Mythology+of+Judaism#v=onepage&q=Tree%20of%20Souls%20%3A%20The%20Mythology%20of%20Judaism%3A%20The%20Mythology%20of%20Judaism&f=false. 
  5. Book of Genesis, Chapter 11
  6. Harris, Stephen L. (2002). Understanding the Bible. McGraw-Hill. стр. 50–51. ISBN 9780767429160. 
  7. Streck, Michael P. (2006). Die Stadt, an deren Freuden man nicht satt wird (на German). „Damals“ том  Special volume: 11–28. 

Надворешни врски[уреди | уреди извор]