Боро Мокров

Од Википедија — слободната енциклопедија
Прејди на прегледникот Прејди на пребарувањето
Боро Мокров
Роден 13 декември 1917
Велес, Кралство Србија
Починал 30 април 2005
Скопје, Македонија
Националност Македонец
Занимање правник
публицист

Боро Мокров (роден на 13 декември 1917 година во Велес - починал на 30 април 2005 година во Скопје) — македонски правник, публицист, припадник на комунистичкото и на студентското движење, политички работник и публицист, прв доктор по новинарство во Македонија.[1]

Животопис[уреди | уреди извор]

Боро Мокров бил активист на СКОЈ и член на КПЈ од 1939 година. Поради пројавените активности во КП и СКОЈ бил испратен во логорот Меѓуречје – Ивањица (Србија). По окупацијата работел на формирањето ќелии на КП во Азот, Велешко, и во подготовките на партизанска база. Во 1942 г. бил секретар на СКОЈ, од декември 1942 г. до крајот на 1943 г. бил во затвор, а потоа во интернација. По враќањето од интернација, во 1944 г. станал политички комесар на одредот „Трајче Петкановски и на Осмата велешка бригада. По војната бил пратеник (неколку мандати) во Собранието на Македонија. Се занимавал со историјата на печатот и на новинарството во Македонија. Автор е на повеќе статии и монографии.

Библиографија[уреди | уреди извор]

  • Д-р Боро Мокров, Развојот на македонскиот печат и новинарство, Скопје, 1980;
  • Збор, печат, време, Скопје, 1987;
  • Весникот „Македонија“ на Коста С. Шахов, Радио Охрид, 1991.

Литература[уреди | уреди извор]

  • Д-р Блаже Ристовски, Македонскиот стих 1900–1944. Истражувања и материјали, Скопје, 1980, 454-456.

Наводи[уреди | уреди извор]

  1. Ристовски, Блаже, уред. (2009). „Мокров“. Македонска енциклопедија. , книга II (М-Ш). Скопје: МАНУ. стр. стр. 982. Text "series " ignored (help)