Џамија Кул Шариф

Од Википедија — слободната енциклопедија
Прејди на прегледникот Прејди на пребарувањето
Џамија Кул Шариф
Kazan Kremlin Qolsharif Mosque 08-2016 img1.jpg
Основни податоци
МестоКазан, Русија
Координати55°47′54.49″N 49°06′17.32″E / 55.7984694° СГШ; 49.1048111° ИГД / 55.7984694; 49.1048111Координати: 55°47′54.49″N 49°06′17.32″E / 55.7984694° СГШ; 49.1048111° ИГД / 55.7984694; 49.1048111
Припадностислам
ЕпархијаТатарстан
Статусактивна
Архитектонски опис
Архитектонски типџамија
Завршен2005
Особености
Приемност6.000
Куполи1
Минариња4

Џамија Кул Шариф[1][2] (татарски: Кол Шәриф мәчете; руски: Мечеть Кул-Шариф) – џамија во Казанскиот кремљ позната по тоа што во времето на изградбата била една од најголемите џамии во Русија и Европа, вон Истанбул.[3]

Историја[уреди | уреди извор]

Првично, џамијата била изградена во Казански кремљ во 16 век. Името го добила по Кул Шариф, верски учен кој таму служел. Кул Шариф погинал со своите многубројни ученици, додека го бранел Казан од руските сили во 1552 година. Се верува дека зградата вклучувала минариња, во облик на куполи и шатори. Неговиот дизајн бил традиционален за Волшка Бугарија, иако веројатно биле искористени и елементи од раната ренесанса и отоманската архитектура. Во 1552 година, за време на опсадата на Казан Иван Грозни го уништил градот.

Qolşärif Mosque.JPG

Татарските научници шпекулираат за тоа дали некои елементи од џамијата Кул Шариф можат да се видат во црквата Свети Василиј во Москва (8 минариња и централна купола, што не е карактеристично за руската архитектура). Од 1996 година, џамијата почнала повторно да се гради во Казански кремљ, иако нејзиниот изглед е модерен. Нејзината инаугурација на 24 јули 2005 година го означила почетокот на прославите посветени на милениумот од основањето на Казан. Таа може да прими 6.000 верници.

Неколку земји придонеле во фондот кој бил основан за обнова на џамијата Кул Шариф, конкретно Саудиска Арабија и Обединетите Арапски Емирати. Денес џамијата претежно служи како музеј на исламот. Во исто време за време на големите муслимански прослави илјадници луѓе се собираат таму за да се молат.

Комплексот Кул Шариф бил предвиден да биде важен дел од архитектурата на Казан. Освен главната зграда во џамијата, комплексот вклучува и библиотека, издавачка куќа и канцеларија на имамот.

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. Kul Sharif Mosque, Kazan, Russia - Russia Travel Guide“, „Travel All Russia“, 9 декември 2015. (на en)
  2. "Kul Sharif Mosque, Kazan - TripAdvisor". TripAdvisor. 
  3. Putin joins Tatarstan festivities“, „BBC News“, 26 август 2005 (посет. 22 мај 2010 г).

Надворешни врски[уреди | уреди извор]

Шаблон:Џамии во Русија