Јаник Ањел

Од Википедија — слободната енциклопедија
Јаник Ањел
220px}}
Јаник Ањел во јуни 2012.
Лични информации
Целосно имеЈаник Ањел
Прекар(и)Ајкула
Националност Франција
Роден на9 јуни 1992(1992-06-09) (31 г.)
Роден воНим, Франција
Висина2.02 м
Тежина80 килограми
Спорт
СпортПливање
ДисциплиниКраул

Јаник Ањел (роден на 9 јуни 1992 во Ним) е француски пливач кој е специјализиран во дисциплината краул, и е трикратен Олимписки медалист. Во своето олимписко деби на Летните олимписките игри 2012 во Лондон, тој освоил златни медали на 200 м краул како и на штафетната трка 4x100 м краул, и сребрен медал на штафетната трка 4x200 м краул. Тој е моментален француски рекордер на 200 и 400 м краул (долг курс).

Личен живот[уреди | уреди извор]

Ањел е роден во Ним во 1992, како син на медицинска сестра и либерален директор за човечки ресурси. Тој го добил своето име по францускиот тенисер Јаник Ноа. Ањел почнал да плива на 8 годишна возраст откако сосед го открил неговиот талент и го повикал неговиот родител да го запише во пливачки клуб.

Пливачка кариера[уреди | уреди извор]

Рана кариера[уреди | уреди извор]

На Европското јуниорско првенство 2009, Ањел победил на 200 и 400 м краул со европски јуниорски рекорди. Тој исто така бил дел од францускиот штафетен тим на 4×200 м краул кој освоил злато пред Русија и Италија.

Во април 2010, Ањел поставил француски рекорд на 200 м краул со време од 1:46.35 и го надминал светскиот рекорд на Амаури Лево од 1:46.54.[1] Во јуни 2010, тој го подобрил својот рекорд на 200 м краул со време од 1:46.30.

На Европското јуниорско првенство 2010, Ањел поставил француски рекорд на 400 м краул со време од 3:46.26 и го надминал францускиот рекорд на Николас Ростучер од 3:46.28 освојувајќи златен медал.[2]

Европско првенство 2010[уреди | уреди извор]

На Европското првенство во водени спортови 2010, Ањел освоил златен медал на 400 м краул поставувајќи нов француски рекорд и рекорд на првенството.[3] Ањел, заедно со Фабиен Жило, Вилијам Мејнард, и Алан Бернард во штафетната трка на 4×100 м краул го осовоил сребрениот медал зад Русија. Во втората делница, Ањел испливал време од 48.23.[4] Пливајќи прв во штафетната трка на 4×200 м краул, Ањел со соборил својот сопствен француски рекорд на 200 м краул со време од 1:45.83. Ањел заедно со Клемон Лефер, Антон Харамбур, и Џереми Стравиус завршил на третото место на 4×200 м краул зад Русија и Германија.[5]

Светско првенство 2011[уреди | уреди извор]

Поврзано: Пливање на светското првенство во водени спортови 2011

На Светското првенство 2011 во Шангај, Ањел се натпреварувал во три дисциплини. Во неговата прва дисциплина, на 400 м краул, Ањел завршил на 6-то место со време од 3:45.24. Во неговата втора дисциплина, на 200 м краул, Ањел завршил на 5-то место со време од 1:44.99 кое претставувало нов француски рекорд. Ањел го освоил единствениот медал на натпреварувањето, сребрен, на штафетната трка на 4×200 м краул. Францускиот тим составен од Ањел, Грегори Мале, Џереми Стравиус, и Фабиен Жило испливал нов француски рекорд со време од 7:04.81.

2012 Summer Olympic Games[уреди | уреди извор]

Поврзано: Пливање на Летните олимписки игри 2012
Медали
2012 Лондон – машко пливање
Натпреварувач за  Франција
Олимписки игри
Златен медал - прво место 200 м краул 1:43.14 (НР)
Златен медал - прво место 4×100 м краул 3:09.93
Сребрен медал – второ место 4×200 м краул 6:59.70

На Летните олимписки игри 2012 во Лондон, Ањел освоил вкупно три медали:два златни и еден сребрен. Во неговата прва дисциплина, на штафетната трка на 4×100 м краул, заедно со Амаури Лево, Фабиен Жило, и Клемон Лефер тој го освоил златниот медал со време од 3:09:93. Пливајќи во последната измена, Ањел успеал да го намали заостанувањето од 30 стотинки зад американскиот пливач Рајан Лохте. Во последните 50 метри, Ањел го престигнал Рајан Лохте и францускиот тим завршил пред американскиот тим за 45 стотинки. Ањел ја испливал својата делница најбрзо од било кого во базенот со време од 46.74 и станал единствениот поединец кој испливал под 47 секунди. Следниот ден, Ањел го освоил својот втор златен медал, во дисциплината 200 м краул со време од 1:43.14, кое било најбрзо време во француската пливачка истроија и 1.79 секунди пред сребрените Сун Јанг и Парк Тае-Ван.[6] Ањел го освоил својот последен медал на игрите, сребрен, на штафетната трка на 4×200 м краул зад американскиот тим, со Амаури Лево, Грегори Мале, и Клемон Лефер. Ањел исто така пливал и во финалето на 100 м краул, каде што завршил четврти со личен рекорд од 47.84 секунди.

Лични рекорди[уреди | уреди извор]

Од 1 август 2012.

Долг курс
Дисциплина Време Натпреварување Датум Белешка
100 м краул 47.84 Летни олимписки игри 2012 1 август 2012
200 м краул 1:43.14 Летни олимписки игри 2012 30 јули 2012 НР
400 м краул 3:43.85 Француско првенство 2011 23 март 2011 НР

Наводи[уреди | уреди извор]

  1. ↑ „Agnel lowers national record in France“. Swimming World Magazine. 17 April 2010. Посетено на 27 April 2010. Не се допушта закосување или задебелување во: |publisher= (help)
  2. ↑ „European Junior Championships: Yannick Agnel Posts Speedy 400 Free“. Swimming World Magazine. 14 July 2010. Посетено на 14 July 2010. Не се допушта закосување или задебелување во: |publisher= (help)
  3. ↑ „30th LEN European Swimming Championships – Men's 400 m freestyle results“ (PDF). Omega Timing. 9 August 2010. Посетено на 9 August 2010.[мртва врска]
  4. ↑ „30th LEN European Swimming Championships – Men's 4×100 m freestyle results“ (PDF). Omega Timing. 9 August 2010. Архивирано од изворникот (PDF) на 2010-08-21. Посетено на 9 August 2010.
  5. ↑ „30th LEN European Swimming Championships – Men's 4×200 m freestyle results“ (PDF). Omega Timing. 14 August 2010. Архивирано од изворникот (PDF) на 2010-08-21. Посетено на 14 August 2010.
  6. ↑ „Olympic swimming: Agnel wins again as Ryan Lochte misses out“. Посетено на 31 July 2012.
Преземено од „https://mk.wikipedia.org/w/index.php?title=Јаник_Ањел&oldid=4611590“