Јавање од Бангор (Орвел)
Јавање од Бангор (изворно на англиски: Riding Down from Bangor) ― есеј објавен во 1946 година од англискиот автор Џорџ Орвел. Во него, тој размислува за книжевноста за деца од Соединетите Држави од 19 век и за видот на општеството што го прикажува.[1]
Позадина[уреди | уреди извор]
Написот бил поттикнат од појавувањето на новото издание на Хеленовите бебиња од американскиот автор Џон Хабертон. Романот првпат објавен во 1876 година бил со поднасловот: „Хеленовите бебиња со извесен извештај за нивните начини... невини, лукави, ангелски, бесни, вештерски и одбивни од НИВНАТА НАЈНОВА ЖРТВА“. и е сместена во Њујорк.[1]
Написот бил појавен во Tribune на 22 ноември 1946 година.
Резиме[уреди | уреди извор]
Појавата на Хеленовите бебиња ги поттикнувало мислите на Орвел за впечатокот на светот што го оставаат книгите прочитани во детството. Неговите впечатоци од Соединетите Држави се сведуваат на босоногото момче во училишната соба кое се стреми да стане претседател, и високиот човек потпрен на дрвен ѕид, правејќи повремени набљудувања. Овие идеи се изведени од книги како Том Соер, Ребека од фармата Санибрук, Што направи Кети и Мали жени. Потоа размислува за песната „Riding down from Bangor“ заснована на железничко патување од Бангор, Мејн.[1]
Орвел ги идентификува овие дела како со „слатка невиност“ и „бледа вулгарност на јазикот“. Иако го признава грубиот и анархичен елемент во многу тамошни дела, тој забележува дека романите со дејствие на источниот брег опишуваат многу смирено и првостепено општество управувано од бонтон. Ликовите можеби изгледаат смешно, но имаат восхитувачки интегритет и непромислена побожност. Орвел жали што поновите тамошни материјали како Супермен и други стрипови повеќе не се соодветни за деца.
Гледајќи ги Соединетите Држави од деветнаесеттиот век како „богата празна земја“ со малку општествени проблеми и простор за сите што работеле напорно, Орвел заклучува дека „цивилизацијата на Америка на деветнаесеттиот век била капиталистичка цивилизација во нејзините најдобри услови“.[1]
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 1,3 Orwell, George (1946). „Riding Down from Bangor“. Fifty Essays. Project Gutenberg Australia. Посетено на 26 октомври 2023.