Манастир „Св. Наум“ - Охрид
  |
|
' |
|
| Македонска православна црква | |
| Епархија | Дебарско-кичевска |
| Архиерејско намесништво | Охридско |
| Местоположба | |
|---|---|
| Населено место | Охрид |
| Општи информации | |
| Патрон | Свети Наум |
| Архитектонски опис | |
| Портал | |
Манастирот Свети Наум е изграден на висока карпа, над самото Охридско Езеро, на најјужната негова точка, во една месност со ретка природна убавина. Подигањето на овој манастир е сврзано со името на Наум, Климентовиот соработник. Наум, пред крајот на својот живот, го основал манастирот Св. Архангел и во 910 година во него е погребан.
Оваа црква по својот првобитен облик била скоро идентична на црквата Св. Пантелејмон во Охрид. Негде околу 10-13ти век Наумовата црква била потполно урната. Но потоа негде околу 16ти век на нејзините темели е подигната сегашната црква и тоа во две етапи. Отпрвин, при обновувањето, се изградени наосот и нартексот, а во втората, двете куполи - над наосот и нартексот. Сегашната црква ги носи преправките, и таа има форма на впишан крст во квадратно пространство со купола, поставена на четири столбови. Гробницата на Наум е посебна зграда со широка и ниска купола.
Во натписот, што се наоѓа над западниот влез однатре се споменува дека живописувањето на црквата станало за време на игуменот Стеван во 1806 година. Тогаш е живописана и капелата со Нумовиот гроб. Сета греско-декорација е дело на "зоографот Трпо, син на зографот Константин од Корча." Главната манастирска црква е посветена на Светите Архангели Михаил и Гаврил (Црква „Свети Архангели“ - Охрид).[1] Околу манастирот има повеќе свети води, Света Петка, Свети Атанасиј, Агијазмо и др.
[уреди] Наводи
- ↑ „НАУМОВИОТ МАНАСТИР СВЕТИ АРХАНГЕЛИ“ (на македонски). Општина Охрид. http://www.ohrid.gov.mk/index.asp?novostiID=143#naumovmanastir. проверено на 2010-10-03.
