Квинстаун (Нов Зеланд)

За други истоимени места, погледајте Квинстаун (појаснување).

Квинстаун Queenstown
Чаршијата во Квинстаун
Квинстаун
Координати: 45°01′52″S 168°39′45″E
Земја	Нов Зеланд
Регион	Отаго
Територ. единица	Квинстаун-Езерски Округ
Површина
- Округ	870.497 km2 (336.100,8 sq mi)
Население (Попис 2006)
- Урбано	10.416
- Округ	22.956
Часовен појас	NZST (UTC+12)
- Лете (DST)	NZDT (UTC+13)
Поштенски бр.	9300
Повик. бр.	03

Квинстаун (англ. Queenstown) е одморалишно гратче во регионоѕ Отаго во југозападниот дел на Јужниот Остров на Нов Зеланд. Гратчето е живописно изградено околу протокот на езерото Вакатипу, долго езеро во облик на буквата „Ѕ“, и ужива спектакуларен поглед на околните планини.

Постојат разни образложенија за името на гратчето, од кои најпопуларно е дека некој локален трагач по злато извикал дека местото е „достојно на Кралицата Викторија“. Заради неговата популарност кај туристите поради разноликите активности, новозеланѓаните понекогаш го нарекуваат Квинстаун „Вегас крај езерото“.

Гратчето е најголемиот центар на Централно Отаго, но поради некои административни причини се смета за дел од регионот Саутленд. Според пописот од 2006 год, бројот на постојаното население на Квинстаун (вклучувајќи го Френктон и Келбин Хајтс) изнесува 10.416 жители.

Околни гратчиња и окрузи се Ероутаун, Ванака, Александра и Кромвел. Најблиските поголеми градови се Данидн и Инверкаргил.

Туризам

Како одморалишен град, Квинстаун е центарот на авантуристичкиот туризам. Скијањето, глисирањето, банџи-скокањето, планинскиот велосипедизам и планинарењето се силна страна на местото.

Заедно со планината Руапеху, Квинстаун е најголемиот скијачки центар во Нов Зеланд, со голема посетеност на четирите главни терени од скијачи од земјата и ширум светот. Имињата на овие терени се (Кардрона, Коронетски врв, Инзвонредните и Троен корнет).

Друга причина зошто луѓето одат во Квинстаун е неговото реноме како центар за вино и храна. Блиското гратче Ероутаун има одлични ресторани и барови, а самиот Квинстаун се наоѓа близу до еден мал вински регион. Таму Пино ноар-от достигнува високи цени.

Одбрани активности

• Езерото Вакатипу - ДП Ернсло, Кингстонов летач, Крилест брод
• Авантуристички туризам, глисери, банџи-скокање, скијање
• Крикет (нов меѓународен простор за еднодневен крикет)/Голф
• меѓународен аеродром (само НЗ-Австралија)/Планини - разгледување од авион
• Жичарница со кабини и брзи санки
• Зимски фестивал
• Златно рударство, Ероутаун, историја на Централно Отаго, овчарство и бачилото Волтеров Врв.
• Округот Јужни Езера и Милфордски Мореуз/Хомеров тунел
• Патеките Гленорхи и Ратберн

Галерија

• 

  Чаршија

• 

  Квинстаун и „Инзвонредните“ планини

• 

  Квинстаун со „Инзвонредните“ планини и езерото во позадина

Транспорт

Покрај аеродромот, до Квинстаун може да се дојде преку автопатот State Highway 6 кој го поврзува со Кромвел и Данидн на исток преку змијулестата и подложна на лизгање клисура Каварау, и на југ преку езерското крајбрежје до Ламзден и Инверкаргил. Постои и многу тежок пат преку планинскиот венец Краун Рејнџ кој води до скијачкиот терен Кардрона и до гратчето Ванака. Овој пат воедно претставува највисок јавен пат во земјата.

Клима

Квинстаун се одликува со алпска клима со зими со ведри сини неба и снежни планини. Летата се топли преку целиот ден со температури кои достигнуваат до 30 °C (2007/2008).

Климатски податоци за Квинстаун
Месец	Јан	Фев	Мар	Апр	Мај	Јун	Јул	Авг	Сеп	Окт	Ное	Дек	Годишно
Просечна висока °C (°F)	22.6 (72.7)	22.7 (72.9)	19.9 (67.8)	16.1 (61)	11.9 (53.4)	8.6 (47.5)	8.2 (46.8)	10.3 (50.5)	13.5 (56.3)	16.2 (61.2)	18.6 (65.5)	20.7 (69.3)	15,8 (60,4)
Просечна ниска °C (°F)	10.7 (51.3)	10.6 (51.1)	8.8 (47.8)	6.2 (43.2)	3.3 (37.9)	0.7 (33.3)	0.1 (32.2)	1.3 (34.3)	3.6 (38.5)	5.6 (42.1)	7.4 (45.3)	9.4 (48.9)	5,6 (42,1)
Грешка: pastel не претставува важечка алтернатива за температурна боја. Користете |temperature colour=pastel или пак отстранете го параметарот temperature colour од стандардната обоеност.
Извор: Климатски податоци: NIWA

Збратимени градови

• Масуда, Јапонија
• Аспен, Колорадо, САД

Наводи

• Reed, A. W. (2002). „The Reed Dictionary of New Zealand Place Names“. Auckland: Reed Books. ISBN 0-7900-0761-4. 

Надворешни врски

• Queenstown.com (англиски)
• Службена страница на округот Квинстаунски Езера (англиски)
• Стопанска комора на Квинстаун (англиски)
• Искусете го Квинстаун (англиски)
• Вработување во Квинстаун (англиски)