Региони во Нов Зеланд
Регион (англ. region) е формален термин за првостепената единица локална самоуправа во Нов Зеланд. Земјата има 16 региони. Дванаесет ги управува избран регионален совет, додека четири се управувани од територијални власти (второстепена локална власт) кои исто така ги извршуваат должностите на регионален совет и затоа се нарекуваат унитарни власти. Ова правило има еден исклучок, градот Нелсон кој е управуван од индивидуална територијална власт на неговиот регион (Тасман). Советот на Четемските Острови често се смета за унитарна власт, иако официјално спаѓа под регионот Кантербери. Некои регионални граници ги следал границите на територијалните единици, но има и многу исклучоци. на пример, јужната граница на регионот Окленд напола го сече округот Френклин.
Содржина |
Должности [уреди]
Регионалните власти се главно одговорни за управа со животната околина (вода, фрлање на контаминати и нега за крајбрежјето), реките и езерата (контрола на поплави и одводи), земјиште; регионален транспорт (јавен), биосигурност или справување со штетници; додека територијалните власти се одговорни за: надзор врз користење на земјиштето на локално ниво (урбано и рурално планирање); инфраструктура (вода, канализација, одлевања и ѓубре; локални патишта; библиотеки; паркови и резервати), како и развој на локалната заедница. Регионалната и територијалната управа се финансираат од давачките за земјиште. Честопати двете администрации меѓусебно соработуваат во проекти кои се надополнуваат.
Региони [уреди]
 |
Регион | Регионален совет | Админ. центар | Остров | Површина (км²)[1] | Население[2] | ISO 3166-2 | |
|---|---|---|---|---|---|---|---|---|
| 1 | Нортленд | Регионален совет на Нортленд | Фангареи | Северен | 13.941 | 158.200 | NZ-NTL |
|
| 2 | Окленд | Оклендски совет | Окленд | Северен | 5.600 | 1.486.000 | NZ-AUK |
|
| 3 | Ваикато | Околина Ваикато | Хамилтон | Северен | 25.598 | 413.100 | NZ-WKO |
|
| 4 | Залив Пленти | Регионален совет на Заливот Пленти | Факатане | Северен | 12.447 | 277.100 | NZ-BOP |
|
| 5 | Гизборн (1) | Регионален совет на Гизборн | Гизборн | Северен | 8.351 | 46.600 | NZ-GIS |
|
| 6 | Хоков Залив | Регионален совет на Хоковиот Залив | Непиер | Северен | 14.164 | 155.300 | NZ-HKB |
|
| 7 | Таранаки | Регионален совет на Таранаки | Стратфорд | Северен | 7.273 | 109.700 | NZ-TKI |
|
| 8 | Манавату-Вангануи | Регионален совет Хорајзонс | Палмерстон Норт | Северен | 22.215 | 232.400 | NZ-MWT |
|
| 9 | Велингтон | Регионален совет на Велингтон | Велингтон | Северен | 8.124 | 487.700 | NZ-WGN |
|
| 10 | Тасман (1) | Окружен совет на Тасман | Ричмонд | Јужен | 9.786 | 48.100 | NZ-TAS |
|
| 11 | Нелсон (1) | Градски совет на Нелсон | Нелсон | Јужен | 445 | 46.200 | NZ-NSN |
|
| 12 | Марлборо (1) | Окружен совет на Марлборо | Бленем | Јужен | 12.484 | 45.600 | NZ-MBH |
|
| 13 | Западно Крајбрежје | Регионален совет на Западното Крајбрежје | Грејмаут | Јужен | 23.336 | 32.900 | NZ-WTC |
|
| 14 | Кантербери | Регионален совет на Кантербери | Крајстчерч | Јужен | 45.346 | 560.700 | NZ-CAN |
|
| 15 | Отаго | Регионален совет на Отаго | Данидн | Јужен | 31.990 | 209.900 | NZ-OTA |
|
| 16 | Саутленд | Регионален совет на Саутленд | Инверкаргил | Јужен | 34.347 | 94.900 | NZ-STL |
|
|
(1) Овие региони се унитарни управни единици. |
||||||||
Области вон регионалните граници [уреди]
Нов Зеланд има број острови кои не спаѓаат во регионалните граници. Четемските Острови не се регион, иако нивниот совет оперира како регион. На Кермадек и субантарктичките острови живеат само мал број на конзерватори. Министерот за конзервација ја има власта на регионален совет во тие предели.
Раководство [уреди]
Советите се бираат со јавно гласање секои три години.
Поврзано [уреди]
- Територијални единици во Нов Зеланд
- Административна поделба на Нов Зеланд
- Список на градови во Нов Зеланд
Наводи [уреди]
- ↑ Густина на живеење: Табела 1, Статистики за живеалишта, Статистика Нов Зеланд. проверено на 25 јануари 2009 (англиски) Површината се смета според границите утврдени во 2001 г. Не се вбројани водни површини поголеми од 15 хектари.
- ↑ „Проценки на бројот на населението во административните единици на 30 јуни 2011 (граници од 1 јули 2011)“. Статистика Нов Зеланд. 19 декември 2011. http://www.stats.govt.nz/browse_for_stats/population/estimates_and_projections/subnational-pop-estimates-tables.aspx. проверено на 19 декември 2011. (англиски)
Надворешни врски [уреди]
- Карта (англиски)
- Населенија и зафатнини (англиски)
|
|
|||||||||||
|---|---|---|---|---|---|---|---|---|---|---|---|
| Наднационално ниво | Кралство Нов Зеланд | ||||||||||
| Национално ниво | Нов Зеланд | Токелау | Кукови Острови | Ниуе | Росова Зависност | ||||||
| Региони | 12 неунитарни региони | 4 унитарни региони | Четемски Острови | Кермадек | Субантарктички острови | ||||||
| Територијални единици | 16 градови и 57 окрузи | ||||||||||
| Белешки | Некои окрузи се протегаат низ повеќе од еден регион | Тука регионалните и територијалните единици се споени во едно | Специјална територијална единица | Места вон регионалните единици; овие, плус Четемските Острови и Соландеровите Острови, од Оддалечените новозеландски острови | Земји под управа на Нов Зеланд | Држави во слободно здружение со Нов Зеланд | Нов Зеланд се повикува на правото на оваа територија, но разрешувањето е замрзнато со Антарктичкиот договор | ||||
