Днепропетровск

Од Википедија, слободната енциклопедија
Прејди на: содржини, барај
Днепропетровск
Дніпропетровськ
Днепропетровск
Панорама на Днепропетровск

Знаме
Грб
Карта на Украина каде е означен Днепропетровск
Координати: 48°27′00″ СГШ 34°59′00″ ИГД / 
Држава  Украина
Област Днепропетровска област
Реон Флаг Днепропетровска 2.png Днепропетровск
Основан 1776
Реони
Управа
 • Градоначалник Иван Иванович Куличенко[1]
Површина
 • Вкупна 405 км2
Надм. вис. 155 м
Население (2011)[2]
 • Вкупно 1.001.612
Поштенски број 49000
Повик. бр. +380 56(2)
Портал gorod.dp.ua

Днепропетровск (украински: Дніпропетровськ; руски: Днепропетровск) порано Екатеринослав (руски: Екатеринослав, украински: Катеринослав) е четвртиот најголем град во Украина, со околу еден милион жители.[2][3][4][5] Се наоѓа југоисточно од главниот град на Украина Киев, на реката Днепар, во јужниот средишен дел на земјата. Днепропетровск е административен центар на Днепропетровската област.

Во рамките на поголемото метрополитенско подрачје, населението се движи од 1.004.000[6] до 1.360.000[7] луѓе.

Како главен индустриски центар на Украина, Днепропетровск бил еден од клучните центри на атомската, воената и вселенската индустрија на поранешниот Советски Сојуз. Бил седиште на Јужмаш, главен проектант и производител за вселенската индустрија и балистички ракети. Поради неговата воена индустрија, Днепропетровск бил затворен град[8] до 1990-тите.

Содржина

Имиња [уреди]

Низ годините, Днепропетровск го менувал своето име повеќепати:

  • Екатеринослав 1776–1782, повторно 1783–1797
  • Новоросијск 1797–1802
  • Екатеринослав 1802–1917
  • Сичеслав 1917–1918[9]
  • Екатеринослав 1918–1926
  • Днепропетровск 1926–денес

Исто така, бил означуван како Катеринослав и Катаринослав на карти во 19 век.[10]

Географија [уреди]

Воздушен поглед на Днепропетровск. Реката Днепар и бројните мостови на реката може да се видат.

Градот е изграден главно на бреговите на реката Днепар, во дел од главната меандра на реката каде го менува својот тек од север кон запад, а потоа продолжува кон југ и југозапад низ Украина, стигнувајќи во Херсон пред да се влие во Црното Море. Оваа положба обезбедува значајни можности за развој на земјоделството, главно благодарение на природното наводнување обезбедено од реката и плодната почва.

Областа во градот е главно без ридови и други височинки. Низинската област му го овозможила големиот развој на градот низ годините, особено во последните 200 години. Додека поголемиот дел од станбените, комерцијалните и индустриските окрузи на градот се долж јужниот брег на реката, некои области се изградени и на помалку гостопримливиот северен брег на реката.

Денес, обата брега се развиени и располагаат со голем број индустриски објекти. Аеродромот на градот се наоѓа 15 километри југоисточно од градот.

Центарот на градот е изграден на големо плато веднаш до Днепар, меѓутоа, стариот дел на градот е сместен на рид, кое е создадено како последица на промената на текот на реката кон југ. Булеварот Карл Маркс води до двете големи архитектонски знаменитости на градот и претставува важна сообраќајница низ центарот.

Централниот плоштад е мало продолжување на плоштадот Ленин, веднаш до шопинг-центарот Европа.

Клима [уреди]

Летата во Днепропетровск се многу топли (просечна дневна температура во јули е 24 до 28°C, понекогаш дури и пожешко од 32 до 36°C). Температури од 36° се забележуваат и во мај. Зимите не се толку студени (просечната дневна температура во јануари е од -4 до 0°C, но кога нема снег и кога ветровите се силни, се чувствува поголем студ. Мешавина на снег и дожд обично се појавува во декември.

Најдобро време за посетување на градот е кон крајот на пролетта - крај на април и мај и рано во есента: септември, октомври, кога дрвјата во градот стануваат жолти.

Климата е мешавина на умерена и континентална клима и понекогаш во зима кога е многу студено и паѓа снег (понекогаш температурите паѓаат од −10 до −15 °C), а во лета, градот е многу топол (понекогаш над +40°C), особено кон крајот на јули иа август.[11]

Клима на {{{Место}}}
Показател Јан Фев Мар Апр Мај Јун Јул Авг Сеп Окт Ное Дек

Наводи [уреди]

  1. ↑ Личен блог на градоначалникот
  2. ↑ 2,0 2,1 Днепропетровска област, статистики (украински)
  3. ↑ gorod.dp.ua Днепропетровска област, статистики (украински)
  4. ↑ Ukrcensus.gov.ua — Град 8 март 2007
  5. ↑ Официјални статистики, 01.08.2012 (украински)
  6. ↑ Обединети нации Сектор за економски и социјални прашања, Движења на урбанизацијата во светот, (Обединети нации, 2010), Табела A.12. Податоци за 2007.
  7. ↑ Томас Бринкоф, Principal Agglomerations of the World, 12 март 2009.
  8. ↑ Под затворен град се подразбира дека ниеден странец не смее да влезе во градот без официјална дозвола.
  9. ↑ Украински национализам во 1990-ти: Малцинска вера од Ендру Вилсон, Cambridge University Press, 1996, ISBN 978-0-521-57457-0, page 89
  10. ↑ Англиска карта од 1820
  11. ↑ Поврзано: klimadiagramme.de — Клима во Днепропетровск

Надворешни врски [уреди]

Search Wikimedia Commons Заедничката Ризница има податотеки поврзани со:
„Днепропетровск“
Портал „Украина “
Области
Градови со специјален статус
Автономна република
Административни центри
Преземено од „http://mk.wikipedia.org/w/index.php?title=Днепропетровск&oldid=3009577“