Џонатан Кастровјехо

Од Википедија, слободната енциклопедија
(Пренасочено од Џонатан Кастровиехо)
Прејди на: содржини, барај
Џонатан Кастровјехо

Кастровјехо на подиум по победата на прологот на Тур де Романди 2011
Лични податоци
Цело име Џонатан Кастровјехо Николас
Роден 27 април 1987 (1987-04-27) (26 г.)
Гечо, Шпанија
Висина 1,71 м
Маса 62 кг
Податоци за клубот
Мом. клуб Мувистар Тим
Дисциплина Друмски велосипедизам
Улога Возач
Вид на возач Специјалист за хронометар
Аматерски клубови
2008–2009 Орбеја
Професионални клубови
2010–2011
2012–
Еускалтел-Еускади
Мувистар Тим
Значајни победи
Национален хронометарски првак (2013)
Последна промена
17 декември 2013

Џонатан Кастровјехо Николас (шпански: Jonathan Castroviejo Nicolás; р. 27 април 1987 во Гечо, Баскија) — шпански професионален друмски велосипедист, кој вози за UCI World Tour екипата Мувистар Тим.[1] Откако возел две сезони за послабата екипа на де факто националниот баскиски состав, тој му се придружил на Еускалтел-Еускади во 2010. Првата победа како професионалец ја остварил на Тур де Романди 2011, забележувајќи најбрзо време на прологот од 3,5 километри, победувајќи го светскиот првак под 23 години Тејлор Фини за 0,27 секунди. Резултатот стигнал само еден ден по 24. роденден на Кастровјехо.[2] Неговата вештина за хронометри била релативно необична за возач од Еускалтел-Еускади, бидејќи екипата е позната за лесни возачи со мали способности на хронометрите. Меѓутоа, победата на етапата на Тур де Романди, не била целосен шок - порано во сезоната, Кастровјехо завршил осми на завршниот хронометар на Тирено-Адријатико, надминувајќи ги времињата на Густав Ларсон, Кедел Еванс и Дејвид Забриски, сите познати специјалисти за хронометри.[3] Подоцна, Кастровјехо се покажал солидно и на вториот хронометар на Тур де Романди, завршувајќи деветти на патеката од 20,1 километар, подобар од Марко Пиноти и Жан Кристоф Перо (помеѓу другите), обајцата поранешни прваци во хронометар во своите земји.[4]

Кастровјехо преминал во Мувистар Тим за сезоната 2012.[1] Ја носел водечката маичка на Вуелта а Еспања на две етапи, откако неговата екипа победила на воведниот екипен хронометар и прв поминал низ целта, но изгубил два дена подоцна од колегата Алехандро Валверде. Кастровјехо не можел да го следи пеколното темпо поставено од Алберто Контадор (Тим Саксо Банк-Тинкоф Банк) на последното искачување на третата етапа.[5]

Достигнувања[уреди]

2009
1. Етапа 3 Тур ду Хаут Анжу
1. Пролог Ронд де л’Изар д’Ариеж
1. Етапа 5 Тур де л’Авенир
2010
1. Спринтерски пласман Волта а Каталуња
2011
1. Пролог Тур де Романди
1. Етапа 1 (ITT) Вуелта а ла Комунидад де Мадрид
2. Шпанско хронометарско првенство
2012
Вуелта а ла Комунидад де Мадрид
1. Етапа 1 (ITT)
1. Спринтерски пласман
1. Етапа 1 (TTT) Вуелта а Еспања
1. Jersey green.svg Бодовен пласман Вуелта а Мурсија
6. Краен пласман Енеко Тур
2013
1. MaillotEspaña.PNG Национално хронометарско првенство
8. Краен пласман Волта ао Алгарве

Наводи[уреди]

  1. 1,0 1,1 Кастровјехо потврди за Мувистар“, „Cycling News“, Future Publishing Limited, 23 септември 2011 (конс. 1 јануари 2012).
  2. http://www.cyclingnews.com/races/tour-de-romandie-upt/prologue/results
  3. Фаранд, Стивен. „Тирено-Адријатико 2011: Резултати & Вести“. Cyclingnews.com. http://www.cyclingnews.com/races/46th-tirreno-adriatico-his/stage-7/results. 
  4. http://www.cyclingnews.com/races/tour-de-romandie-upt/stage-4/results
  5. Valverde claims photo finish on Eibar“, „Cycling News“, Future Publishing Limited, 20 август 2012 (конс. 20 август 2012).
Спортски позиции
Претходник
Луис Леон Санчез
Шпански национален хронометарски првак
2013
Наследник
актуелен