Џоакино Росини

Џоакино Росини

Џоакино Росини (итал. Gioacchino Antonio Rossini; Пезаро, 29 февруари 1792 — Париз, 13 ноемвври 1868) е италијански композитор кој се смета за еден од најголемите музички уметници на 19 век.

Живот

Росини е роден во музичко семејтство и како дете престојувал во повеќе музички театри. Поради неговиот прекрасен глас му предвиделе прекрасна кариера, а тој своето музичко образование го надополнил со свирење на повеќе инструменти и подготовки за композиција. Поседувал исклучителна музичка меморија, т.е. по едно слушање можел да ја испее слушаната композиција, а по второ и да ја напише. Младиот Росини многу брзо го почувствувал театарскиот живот, играл на сцена и свирел во оркестар.

Дела

На 18-годишна возраст ја напишал својата прва опера. Оперите на Росини се одликуваат со оригиналност, духовитост со сила на ритамот, свежа мелодика и чувствителност. На 24 години ја напишал својата најпопуларна опера - „Севилски берберин“, и тоа за само 13 дена во стилот на реалистична опера buffo. Росини исто така напишал уште 36 опери, од кои покрај споменатата познати се:

• „Танкреди“
• „Италијанка во Алжир“
• „Чавка грабливка“
• „Отело“
• „Вилијам Тел“

Од вокално инструменталните дела познат е ораториумот „Стабат Матер“.