Сојуз на комунистите на Македонија

Сојузот на комунистите на Македонија (СКМ) беше македонска секција на Сојузот на комунистите на Југославија, владејачката партија во СФР Југославија во текот на нејзиното постоење. СКМ е основана во март 1943 во Тетово и до април 1952 го носи називот Комунистичка партија на Македонија.

Со воведувањето на партискиот плурализам, СКМ го промени своето име во СКМ - Партија за демократска преобразба (СКМ-ПДП) и под тој назив учествуваше на првите повеќепартиски избори во Република Македонија во 1990. Истовремено, ја промени својата комунистичка идеологија со социјалдемократска. На својот конгрес од април 1991 СКМ - ПДП го промени своето име во Социјалдемократски сојуз на Македонија, СДСМ. Мал дел од членството на СКМ- ПДП се отцепи од матичната партија и ја задржа комунистичката идеологија, или барем комунистичкото име.

Секретари на СКМ (КПМ)

1. Лазар Колишевски (март 1943 - јули 1963)
2. Крсте Црвенковски (јули 1963 - март 1969)
3. Ангел Чемерски (март 1969 - мај 1982)
4. Крсте Марковски (мај 1982 - 5 мај 1984)
5. Милан Панчевски (5 мај 1984 - јуни 1986)
6. Јаков Лазароски (јуни 1986 - 1989)
7. Петар Гошев (1989 - април 1991)