Прејди на содржината

Чај со млеко

Од Википедија — слободната енциклопедија
Древнa кинескa тргoвијa со чај во замена за коњи

Чај со млеко или млечен чај се однесува на неколку пијалаци кои се консумираат во многу култури, а кои се состојат од некоја комбинации на чај и млеко. Терминот чај со млеко се користи и за топли и за ладни пијалаци кои можат да се комбинираат со различни видови млека и различни зачини. Ова е популарен начин на послужување на чај во многу земји и е стандарден вид на чај во многу земји од Јужна Азија. Пијалаците се разликуваат во зависност од количината на клучните состојки, начинот на подготовка и вклучувањето на други состојки (кои варираат од шеќер или мед до сол или кардамон).[1] Чајот со млеко е стандарден вид на чај во Индија и Пакистан, каде што се нарекува чаи (chai).[2]

Варијации[уреди | уреди извор]

Кинески чај со млеко

Кинески чајни тули за тргување

Во древна Кина, чајот првенствено се конзумирал поради неговата содржина на кофеин. Млекото историски се сметало за значаен пијалак меѓу номадските заедници и го симболизирал нивниот културен идентитет.[3] Како што номадското население мигрирало на југ, потрошувачката на млеко постепено растела во регионот на Централните рамнини, а историјата бележи дека царот Дезонг од династијата Танг кога правел чај додавал преработено и ферментирано млеко и открил дека тој пијалак бил вкусен.[4] Оттогаш, чајот со млечко станал сè попопуларен на пазарите во тој дел на Азија.[5]

Гресленд[уреди | уреди извор]

Гресленд чајот со млеко честопати се нарекува солен млечен чај поради подготовката. Во пастирските региони на Кина, како што се Внатрешна Монголија, Шјинџјианг и Тибет, номадските заедници го следат процесот во почетно дробење на листови на чајот, а потоа ги додаваат во врела вода.[6] Чајот потоа се проврива, па се додава млеко кое се меша во смесата. На крајот се додава соодветна количина на сол, што доведува до завршеок на подготовка на млечниот чај. Солта исто така се користи за доготрајно складирање бидејќи ордите се соочувале со патувања на големи одалечености и екстремни временски услови.[7][8]

Чај со млеко во Хонгконг

Хонгконг[уреди | уреди извор]

Хонгконшкиот чај со млекот настанал под влијание на британскиот чај со млеко од периодот на британското колонијално владеење. Бидејќи вкусот на британскиот млечен чај не бил многу силен, луѓето во Хонгконг го промениле овој пијалак со додавање на мелен цејлонски црн чај, кој вообичаено се нарекувал шриланкански црн чај. Поради сличниот изговор, млечниот чај од Шри Ланка се преведува во млечен чај Силанг во Хонгконг. Процесот на правење на чајот Силанг со млеко има шест чекори: стругање на чајот, варење на чајот, печење на чајот, инфузија на чајот и додавање на млекото. Чајот во процесот на правење бил пропуштан низ сито, што довело до називот, „млечен чај од свилено црево“. Згора на тоа, во чајот се додавало засладено кондензирано млеко (испарено млеко).[9]

Тајвански бабл млечен чај

Тајвански чај со млеко[уреди | уреди извор]

Тајванскиот чај со млеко е широко попознат како бабл чај или бабл ти. Настанал во 17 век, кога го донеле Холанѓаните. Боба е кружен скробен прав кој изгледа како бисер. Пред да се додаде во чајот со млеко, обично се потопува во сируп. Ова се прави за да се осигура дека кога топчето во прав се меша со слаткиот чај од млеко, да ја задржи својата природна слаткост.[10] Бабл чајот добил толку значајна улога во претставувањето на тајванската култура што луѓето во Тајван го обележуваат 30 април секоја година како Национален ден на бабл чај.[11]

Чај со млеко кој се служи во Индија

Британски чај со млеко[уреди | уреди извор]

Во Британија, кога топол чај и ладно млеко се пијат заедно, пијалакот е едноставно познат како чај бидејќи огромното мнозинство чајот го консумираат на тој начин. Терминот чај со млеко не се користи, иако може да се наведе чај со млеко доколку контекстот го бара тоа. Ова може да предизвика забуна кај луѓето од културите кои традиционално пијат чај без млеко.

Наводи[уреди | уреди извор]

  1. „Franchise battle stirring up Vietnamese milk tea market - News VietNamNet“. english.vietnamnet.vn. Архивирано од изворникот на 05. 05. 2021. Посетено на 2022-10-11. Проверете ги датумските вредности во: |archive-date= (help)
  2. Zeng, Zhigang; Wang, Jun (2010-05-10). Advances in Neural Network Research and Applications (англиски). Springer Science & Business Media. ISBN 978-3-642-12990-2.
  3. He, Yanrong. „新疆游牧民族的奶茶文化--哈萨克族与蒙古族奶茶文化比较研究. 兰州教育学院学报“.
  4. Lin, Jiaying. „From Localization to Globalization: A Study of Pearl Milk Tea“ (PDF).
  5. „北宋茶马互市走私问题研究 - 中国优秀硕士学位论文全文数据库“. cnki.cqgmy.edu.cn. Посетено на 2023-10-06.
  6. Ouyang, Jun. „古典名著里的茶文化“.
  7. He, Yanrong. „新疆游牧民族的奶茶文化--哈萨克族与蒙古族奶茶文化比较研究. 兰州教育学院学报“.
  8. „《图说晚清民国茶马古道》序“. agri-history.ihns.ac.cn. Посетено на 2023-10-11.
  9. Lin, Jiaying. „From Localization to Globalization: A Study of Pearl Milk Tea“ (PDF).
  10. Lin, Jiaying. „From Localization to Globalization: A Study of Pearl Milk Tea“ (PDF).
  11. ABoxTik (2023-09-27). „Top 20 Bubble Tea Recommendations & History Of Boba“. aboxtik.com (англиски). Посетено на 2023-10-25.

Дополнителна литература[уреди | уреди извор]

Надворешни врски[уреди | уреди извор]