Циметна мечка

Циметна мечка
Научна класификација
Царство:	Животни
Колено:	Хордати
Класа:	Цицачи
Ред:	Carnivora
Семејство:	Ursidae
Род:	Ursus
Вид:	Ursus americanus
Триномен назив
Ursus americanus cinnamomum Audubon and Bachman, 1854

Циметна мечка (науч. Ursus americanus cinnamomum) — подвид на американската црна мечка. Единствената голема разлика е бојата на крзното, кое кај оваа мечка има црвеникаво-кафеавкаста боја, по што и го добила името (cinnamon значи цимет).

И оваа мечка е сештојад, односно се храни претежно со храна од растително потекло како лешници, ореви, плодови, но понекогаш и со мед, инсекти, риба, мали глодачи или мрша.

Живеалиште

Овие мечки живеат во југозападна Канада и во северозападниот дел на САД, источен Вашингтон, источен Орегон, Ајдахо, западна Монтана, западен Вајоминг, источно Колорадо и североисточна Јута, односно региони со сува клима. Американските мечки кои живеат во региони со поголема влажност, најчесто имаат црна боја на крзното.

Размножување

Женките достигнуваат полова зрелост на 4-5 годишна возраст, додека мажјаците на 5-6. Сезоната на парење најчесто е од јуни до средината на јули. Периодот на бременост е околу 7 месеци. Како кај повеќето мечки и кај овие има задоцнета имплантација на оплодената јајце-клетка, со што и се дава време на мајката да наталожи доволно масти за неа и за развитокот на младенчето за време на зимата, односно за време на хибернацијата. Младите се раѓаат во јануари или февруари, и остануваат со мајката околу 17 месеци.