Христо Оџаклиевски

Од Википедија — слободната енциклопедија
Прејди на прегледникот Прејди на пребарувањето
Христо Оџаклиевски.jpg
Роден 1921
Суровичево, Леринско,  Грција
Починал 17 мај 1943
Тирана,  Албанија

Христо Оџаклиевски (Суровичево, Леринско Егејска Македонија, 1921 - Тирана, Албанија, 17 мај 1943) — македонски партизан.

Биографија[уреди | уреди извор]

Христо Оџаклиевски е роден во 1921 година во леринското село Суровичево, Егејска Македонија, каде што татко му бил на работа. Христо бил чевларски работник. Co Народноослободителното движење соработувал од 1941 година, а член на КПЈ станал на почетокот од 1943 година. Во март 1943 станал борец на Мавровскиот партизански одред. Во борбата со балистите на 27 април 1943 година во Ново Село, Гостиварско, бил заробен со уште девет македонски партизани. Тие набрзо биле префрлени во политичкиот затвор во Тирана, Албанија, каде што на 17 мај 1943 година италијанските фашисти го обесиле со уште петмина од нив: Илија Антевски - Смок, Душко Поповиќ, Раде Угриновски, Драги Тодоровски и Трифко Андоновски.[1] Истиот ден, Околискиот комитет на Комунистичката партија на Албанија за Тирана организирал масовни демонстрации на кои излегле илјадници жители на Тирана.[2][3]

Наводи[уреди | уреди извор]

  1. "Zëri i Popullit", број 2 од 18 мај 1943
  2. Леток на Комунистичката партија на Албанија по повод бесењето на шест македонски партизани во Тирана
  3. Дејан Алексиќ „Душко Поповиќ - Ѓоко“, Архив на Скопје, Скопје, 1985, 345-346 стр.