Ретезат (национален парк)

Национален парк Ретезат
Национален парк Ретезат
	Parcul Național Retezat
	МСЗП — Категорија II (национален парк)
	Планина Ретезат, близу Букура
	Местоположба во Романија
Место	Романија ; Округ Хунедоара
Најблизок град	Лупени
Површина	38.047 ha
Воспоставен(а)	2000
Мрежна страница	retezat.ro

Национален парк Ретезат (романски: Parcul Național Retezat – национален парк во Романија, поточно во Јужните Карпати. Претставува еден од најголемите планински масиви во Романија. Највисок врв е Пелеага чија надморска висина изнесува 2509 метри. Ретезат на романски значи „отсечен“. Фондацијата 7 светски чуда го предложила Ретезат за ново светско чудо. Оваа планина ја нарекуваат и „земја со сини очи“.

Географија

Планината Ретезат позната е како „Трансилваниски Алпи“ и е прва планина која е прогласена за национален парк во Романија. Покрива скоро 500 квадратни километри. Четвртина од планината е повисока од 1800 метри надморска висина. Областа на оваа планина е главно од гранит и ледник. Националниот парк е богат со езера и водопади. Има преку 80 езера од кои најголемо е Букура^[3]. Езерата^[4] на овој масив чинат скоро половина од сите леднички езера во Романија.

Езеро	Длабочина на езерото (м)	Надморска висина (м)
Букура	15,7	2041
Ана	11	1990
Лија	4,3	1910
Заноага	29	1997
Негру	24,8	2036
Геменеле	5,3	1920
Заноага Мика	12,4	1900
Пелеага	4,2	2122
Таул Кустура Маре	9	2226

На Ретезат постојат повеќе од 55 врвови кои се повисоки од 2000 метри надморска висина. Заради ерозијата на мразот, високите подрачја на планината се многу нестабилни.

Врв	Надморска висина (м)	Фотографија
Пелеага	2509	Пелеага
Папуса	2508	Папуса
Ретезат	2482	Ретезат
Маре	2463	Маре
Кустура	2457	Кустура
Букура	2433	Букура

Националниот парк Ретезат обилува и со прекрасни водопади од кои најубави се Станисоара^[5] и Лолаија^[6].

Растителен свет

Растителниот свет е многу богат и сите видови на растенија се заштитени со закон на УНЕСКО. Една третина од вкупната флора на Романија е на оваа планина. Околу стотина видови се ендемски. На Рентезат најмногу има гентијана, жолта гентијана, глуварче, лилјан, вклучувајќи уште околу 1000 вида растенија^[7]. Што се однесува до шумските предели на оваа планина, најспецифични се планински бор, швајцарски бор како и џуџест бор кој се наоѓа на покаменитите подрачја.

Животински свет

На Ретезат живеат околу 185 вида птици од кои некои се ендемски. Од нив 122 вида редовно се гнездат во овој предел и затоа истиот е значајно птичјо подрачје. Некои од тие видови се црн штрк, златен орел, сив сокол, тетреб, орел-змијар, дрозд. Цицачите чиј дом е Ретезат се во помал број во однос на птиците. Има околу 55 вида цицачи. Тука спаѓаат сив волк, кафеава мечка, алпски мрмот, дивокоза, рис. Чести безрбетници кои се наоѓаат тука се жаба, дождовник, пролетници и неколку ендемски видови пеперуги.

Пристап

Најбрзо до планината се стигнува од градовите Лупени, Урикани, Хацег, Петрошани ако се доаѓа од источната или северната страна.

Наводи

Надворешни врски

Официјално мрежно место
Мапа на паркот Архивирано на 14 април 2015 г.
Туристички мапи на Ретезат Архивирано на 23 февруари 2021 г.

[1] (романски) cdep.ro - Legea Nr.5 din 6 martie 2000, publicată în Monitorul Oficial al României, Nr.152 din 12 aprilie 2000;

[2] unis.eea.europa.eu - Retezat National Park (coords);

[3] Езерото Букура

[4] Езерата и врвовите на Ретезат

[5] Водопад Станисоара

[6] Водопад Лолаија

[7] Галерија на растителниот свет на Ретезат

[1]

[3]

[4]

[5]

[6]

[7]