Радка Кушлева

Од Википедија — слободната енциклопедија
Прејди на: содржини, барај
Родена 7 јули 1926
Широка л'ка, Бугарија
Починала 17 април 1984
Велико Трново, Бугарија


Радка Кушлева била народна пејачка од Бугарија, изведувачка на родопски фолклор. Уште додека била жива големата пејачка била нарекувана "Родопскиот славеј"

Биографија[уреди | уреди извор]

Големата пејачка на Бугарија и Родопите Радка Кушлева е родена во 1926 година во селото Широкa л'ка, Смолјанска област. Била наследничка на исклучителен музички род. Нејзината баба по мајчина линија е била истакната пејачка со оригинален репертоар. Од неа Радка Кушлева дознала најубавите песни.

Првите настапи на младата родопчанка се во 1942 година. Тогаш гласот и се слушал за прв пат во Радио Скопје[1]. Ученичка во Скопското економско училиште е одобрена од комисијата и на радио често се слушале оригиналните и родопски песни. Од 1948 година Радка Кушлева веќе пее на Радио Софија. Во текот на 50-те години на 20 век снима повеќе од 70 оригинални родопски песни, поголемиот дел од кои се во Златниот фонд на Бугарското национално радио. Меѓу нив се "Бела с'м, бела, јуначе", нарекувана химната на Родопите, "Заспало е челебијче", "Радо м'ри, бела Радо", "Доста ми се момне ле, навдигај" и уште многу други. Позната е ексклузивната ревност на Радка Кушлева да трага и запишува стари песни од Родопите. За да научи нови песни често им помагала на возрасни жени во домашната и земјоделската работа. Така рамо до рамо со нив и веднаш до нив успеала да открие, заштити и промовира песни-бисери од ризницата на родопскиот фолклор.

Долго време пејачката ја обиколила целa Бугарија заедно со групата "Наша песна". Заедно со Борис Машалов, Ѓурга Пинџурова и Мита Стојчева се утврдувала како една од најпопуларните и сакани бугарски народни пејачки. Во 60-те години на 20 век заедно со своите сестри Анка, Стефка и Марија, Радка Кушлева создала вокалниот квартет "Кушлеви". Тоа бил првиот бугарски камерен фолклорен состав. По својот неповторлив начин на музицирање и изградба на песната квартетот "Кушлеви" се претворил во уникатен феномен за бугарската музичка култура. Подоцна кон квартетот се присоедниле двете ќерки на Радка - Соња и Диди, и така квартетот станувал како секстет. Секстетот "Кушлеви" настапил со супериорен успех во поранешниот Советски сојуз и Франција. Заедно со Емил Димитров и Богдана Карадочева, сестри Кушлеви за прв пат претставиле бугарските народни и популарни песни преку оригинално шоу.[1] Пејачката умира во 1984 година по успешен концерт во Велико Трново.

Наводи[уреди | уреди извор]

  1. 1,0 1,1 „Радка Кушлева“. www.folklor-tv.bg. 18 септември 2011. http://www.folklor-tv.bg/rubriki/legendite/radka_ku6leva.htm#. посет. 18 септември 2011 г. 

Надворешни врски[уреди | уреди извор]