Пегниц

Пегниц
Изворно име	Pegnitz  (германски)
Местоположба
Физички особености
Устие	Регниц 49°29′11″N 10°59′12″E
Должина	79 км (102 км со Фихтеное)
Особености на сливот

Карта на Пегниц, Регниц и околните реки

Пегниц (германски: Pegnitz) — мала река во Франконија, во сојузната покраина Баварија, Германија. Извира во истоимениот град, на надморска висина од 425 м и се влева во реката Редниц на висина од 283 м во Фирт. Оттука па натаму, реката се нарекува Регниц и на крај се влева во Мајна.

Мештаните го сметаат потокот Фихтеное (23 км) за дел (горно течение) на Пегниц. Фихтеное пак, извира во шумата Линденхарт северно од градот Пегниц.

Реката е долга околу 79 км, или 102 км ако се вклучи Фихтеное.

Во Пегниц живеат разни водни птици како патки, лиски, лебеди и галеби.

Притоки

Сите притоки на Пегниц се потоци. Тие се следниве, по географски редослед:

• Фихтеное (лева)
• Флембах (лева)
• Хиршбах (лева)
• Хегенбах (лева, од страната на Помелсбрун)
• Хапургер Бах (лева)
• Зитенбах (десна)
• Хамербах (лева)
• Зандбах (лева)
• Шнајтах (десна)
• Ретенбах (десна)
• Битербах (десна)
• Ретенбах (лева)
• Лангвасерграбен (десна)
• Тифграбен (десна)
• Голдбах (лева)

Градови во поречието

Од изворот до устието, ова се градовите по течението на Пегниц:

• Пегниц
• Нојхаус на Пегниц
• Херсбрук
• Лауд на Пегниц
• Ретенбах на Пегниц
• Нирнберг, каде, во рамките на градот (околу 14 км) реката се раширува во повеќе ракави, преку кои минуваат разни историски и современи мостови.
• Фирт, каде постојат повеќе историски и современи мостови.

Во Нирнберг и Фирт се направени напори релата да се уреди според нејзиното природно течение по старото корито.

Надворешни врски

• Преуредувањето на Пегниц во Нирнберг — Служба за водостопанство Нирнберг (германски)
• Карстно-хидролошко проучување „Водата Планина“ во Пегниц Архивирано на 7 септември 2016 г. (германски)