Паул Брајтнер

Од Википедија — слободната енциклопедија
Прејди на прегледникот Прејди на пребарувањето
Паул Брајтнер
Paul Breitner 2011.jpg
Паул Брајтнер во 2011
Лични податоци
Висина 1.76 м[1]
Положба лево крило


* Настапи (Голови)

Паул Брајтнер (германски: Paul Breitner, Колбермор, Западна Германија, 5 септември 1951) е поранешен фудбалски репрезентативец на Западна Германија.[2] Брајтнер денес работи како телевизиски коментатор, а има и функција на саветник за управен одбор на фудбалскиот клуб Баерн од Минхен. Покрај тоа како капитен ја предводи екипата на Бајерновите ветерани во натпреварите од хуманитарен карактер.

Кариера[уреди | уреди извор]

На почетокот од кариерата ја играл позицијата на лев бек, а покасно бил преместен во сврзен ред. Бил познат по својот шут со левата нога и ефектните голови постигнати со шутеви надвор од шеснестерцот.

Професионалната кариера ја започнал во екипата ФК Баерн Минхен. За Баерн настапувал четири сезони, и со таа екипа во текот на овој период освоил три еднаподруга титули за првак на државата. Освоиле тогаш и еден во Куп на шампиони 1973/74. После Светското првенство во 1974 година го напуштил Баерн и преминал во шпанскиот Реал Мадрид. Таму одиграл три сезони пред да се врати во Германија.

Во Германија прво една сезона настапува за Ајнтрахт од Брауншвајг, а потоа повторно го облекол дресот на минхенскиот Баерн. Во тој период за Баерн настапува и Карл-Хајнц Румениге со кој Брајтнер играл во тандем. Овој тандем новинарите го нарекле Брајтниге.

Репрезентација[уреди | уреди извор]

За репрезентација на Западна Германија настапувал 48 пати и бил стрелец на 10 голови. Дебитирал во 1971 година кога имал дваесет години. Дури наредната година со репрезентацијата освоил Европско првенство 1972. На наредното светско првенств Западната Германија станала прва репрезентација која ја обединила титулата на европскиот и светскиот првак. Во финалето одиграно во Минхен против Холандија Брајтнер бил стрелец на голот кој доведол до водење од еданестерецот.

После тоа светско првенство се повлекол од репрезентацијата. Селекторот Јуп Дервал го наговорил повторно да заигра за репрезентацијата во 1981 година. На Светското првенство во 1982 година постигнал почаснен гол за својата репрезентација во финале против Италија. Еден е од четворицата играчи кој бил стрелец во две различни финалиња на светското првенство. Покрај него тоа уште го направиле само Пеле, Вава и Зинедин Зидан.

Пред Светското првенство во 1982 година една позната козметичка компанија му платила 150.000 германски мараки да ја избричи брадата по која бил препознатлив, како би им ги рекламирал нивните производи.

Претседателот на фудбалскиот сојуз на Германија Егидијус Браун во 1998 година го поставил Брајтнер на место на селектор ма репрезентацијата но после само 17 часа се предомислил и повлекол таа одлука.

Трофеи[уреди | уреди извор]

Баерн Минхен[уреди | уреди извор]

Реал Мадрид[уреди | уреди извор]

Западна Германија[уреди | уреди извор]

Наводи[уреди | уреди извор]

  1. „Paul Breitner“. worldfootball.net. конс. 17 July 2011. 
  2. „Breitner, Paul“ (German). kicker.de. конс. 2. 1. 2011.. 

Надворешни врски[уреди | уреди извор]