Неаполи
Неаполи Νεάπολη | |
---|---|
Координати: 40°39.12′N 22°56.30′E / 40.65200° СГШ; 22.93833° ИГД | |
Земја | Грција |
Област | Централна Македонија |
Округ | Солун |
Општина | Неаполи-Сикјес |
Надм. вис. | 70 м |
Население (2011)[1] | |
• Општ. един. | 27.084 |
Часовен појас | EET (UTC+2) |
• Лете (ЛСВ) | EEST (UTC+3) |
Неаполи (грчки: Νεάπολη) — населба во Солун, Егејска Македонија. Во населбата е сместена црквата „Св. Ѓорѓи“, катедрала на Неаполско-ставруполската епархија[2]
Географија[уреди | уреди извор]
Населбата се наоѓа во северозападниот дел на урбаното подрачје на Солун.
Историја[уреди | уреди извор]
Неаполи е основано во 1922 г. од грчки доселеници од Мала Азија, поточно од градот Невшехир во Кападокија. Новата населба го добила името Неаполи по грчкиот назив на Невшехир.
Населбата за првпат се спомнува на пописот од 1928 г. со 6.500 жители.[3] Во 1934 г. со владина наредба кон Неаполи се припоени помалите доселенички населби Анагенисис, Троас, Омонија и Кунтурјоти.[3] Со приклучувањето на другите населби како и близината на Солун, населбата почнала брзо да расте, така што во 1940 г. населението веќе се накачило на 13.052 лица.
Веднаш по Втората светска војна Неаполи е прогласено за градска населба со своја општина.[3]
Население[уреди | уреди извор]
Еве преглед на населението во сите пописни години, од 1940 г. до денес:
Година | 1940 | 1951 | 1961 | 1971 | 1981 | 1991 | 2001 | 2011 | 2021 |
---|---|---|---|---|---|---|---|---|---|
Население | 13.052 | 14.825 | 17.586 | 21.903 | 31.464 | 30.568 | 30.279 | 27.084 |
- Извор за 1940-1991 г.: Т. Симовски, Населените места во Егејска Македонија
Наводи[уреди | уреди извор]
- ↑ „Попис на населението од 2011 г. Трајно население“. Државен завод за статистика на Грција.
- ↑ „Ι.Μ.Ν.Αγ.Γεωργίου Νεαπόλεως“. Ιερά Μητρόπολη Νεαπόλεως και Σταυρουπόλεως. Архивирано од изворникот на 22 мај 2014. Посетено на 22 мај 2014.
- ↑ 3,0 3,1 3,2 Симовски, Тодор Христов (1998). Населените места во Егеjска Македониjа (PDF). II дел. Скопjе: Здружение на децата-бегалци од Егејскиот дел на Македонија, Печатница „Гоце Делчев“. стр. 335. ISBN 9989-9819-6-5.
|