Мане Симјаноски
| Мане Симјаноски | ||
| ||
| Роден | Лисичани, Кичевско, Македонија под окупација на Србија | |
|---|---|---|
| Починал | април, 1944 година Завој, Охридско, Македонија под фашистичка окупација | |
| Националност | Македонец | |
Мане Мишев Симјаноски ( 1919 во Лисичани, Кичевско — 1944 во Завој (село), Охридско) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
По занимање бил земјоделец. Поради тешкиот живот заминал на работа во Суботица каде бил пекарски работник и членувал во УРС-овите синдикати. По окупацијата се вратил во своето село кое било под бугарска окупација. Во селото прво почнал активно да работи во СКОЈ, а потоа во Партиската организација. Прибирал оружје, храна и други материјали за потребите на НОВ. Во јануари 1944 година бил повикан на воена вежба во бугарската војска во Прилеп од каде избегал и се приклучил на редовите на Првата македонско-косовска бригада. Со Бригадата бил во Егејска Македонија. Загинал во април 1944 година, на враќање од Февруарскиот поход, во борба со бугарските фашисти кај селото Завој, Охридско.[1]