Литл Ричард

Литл Ричард
	Литл Ричард во 1967
Животописни податоци
Родено име	Ричард Вејн Пениман
Роден(а)	декември 5, 1932; Макон, САД
Починал(а)	мај 9, 2020 (возр. 87); Тулахома, САД
Жанрови	Рокенрол; Ритам и блуз; Госпел; Соул;
Занимања	Музичар; пејач; текстописец;
Инструменти	Вокал; пијано;
Период на активност	1947–2020

Ричард Вејн Пениман (англиски: Richard Wayne Penniman; 5 декември 1932 ― 9 мај 2020), професионално познат како Литл Ричард ― американски музичар, пејач и текстописец. Бил влијателна личност во популарната музика и култура седум децении. Го носи прекарот „Архитект на рокенролот“, а неговото најценето творештво датира од средината на 1950-тите, кога со неговата харизма и динамична музика, надополнети со енергично свирење на пијано и рапав вокал, ги поставил темелите на рокенролот.^[1] Иновативната емотивна вокална изведба и ритмичката музика на Литл Ричард одиграле клучна улога во создавањето на други популарни музички жанрови, меѓу кои се и соул и фанк.^[2] Имал влијание врз многу пејачи и музичари во разни музички жанрови од рок до хип хоп (Битлси, Џими Хендрикс, Дејвид Боуви, Ролинг Стоунс, Курт Кобејн, Елвис Присли); а неговата музика помогнала во обликувањето на ритамот и блузот со генерации.

Литл Ричард честопати се поистоветува со неговата најпопуларна песна „Tutti Frutti“ (1955), која станала инстант хит на поп-листите во САД и во Обединетото Кралство. Негов следен хит била песната „Long Tall Sally“ (1956) која се искачила на прво место на листата на најпродавани ритам и блуз песни на Билборд, а за помалку од три години ваков успех имал со уште петнаесет други песни. Неговите настапи во овој период резултирале со расна интеграција на белите Американци и Афроамериканците во неговата публика. Во 1962 година, по петгодишна пауза од рокенрол музиката поради религиозни причини, концертниот промотор Дон Арден го убедил да оди на турнеја низ Европа. Во тоа време, Битлси биле предгрупа на Литл Ричард на некои од концертите на турнејата. Ричард ги советувал Битлси како да ги изведуваат своите песни и го научил членот на бендот Пол Макартни на неговите карактеристични вокализации.

Литл Ричард се наведува како еден од првите кросовер црни музичари, кој имал публика од сите раси. Неговата музика и концерти ја прекинале расната поделеност, и ги зближила црнците и белците и покрај обидите да се одржи сегрегација. Многу негови современици, како Елвис Присли, Бади Холи, Бил Хејли, Џери Ли Луис, Еверли Брадерс, Џин Винсент и Еди Кокран, снимиле преработки на неговите дела. Воодушевен од неговата музика и стил, и лично обработувајќи четири песни од Ричард на неговите два албуми во 1956 година, Елвис Присли во 1969 година му рекол на Литл Ричард дека неговата музика е инспирација за него и дека тој е „најголемиот“.

Литл Ричард бил одликуван од многу институции. Тој бил примен во Куќата на Славните на Рокенролот во првата група примени во 1986 година. Тој исто така бил примен во Куќата на славните текстописци. Бил добитник на наградите за животно дело од Академијата за музички уметности и науки и Ритам и блуз фондацијата. Во 2015 година, Ричард доби Рапсодија и ритам наградата од Националниот музеј за афроамериканска музика за неговата клучна улога во формирањето на популарните музички жанрови и помагањето да се стави крај на расната поделеност на музичките топ листи и на концертите во средината на 1950-тите кои што значително ја промениле американската култура. „Tutti Frutti“ во 2010 година бил вклучен во Националниот регистар за снимки при Конгресната библиотека, кои навеле дека неговиот „уникатен вокал врз неодоливиот ритам најавиле нова ера во музиката“.

Починал на 9 мај 2020 од рак на коски на возраст од 87 години.^[3].

Дискографија

Here's Little Richard (1957)
Little Richard (1958)
The Fabulous Little Richard (1958)
Pray Along with Little Richard (1960)
Pray Along with Little Richard (Vol 2) (1960)
The King of the Gospel Singers (1962)
Little Richard Is Back (And There's A Whole Lotta Shakin' Goin' On!) (1964)
Little Richard's Greatest Hits (1965)
The Incredible Little Richard Sings His Greatest Hits - Live! (1967)
The Wild and Frantic Little Richard (1967)
The Explosive Little Richard (1967)
Little Richard's Greatest Hits: Recorded Live! (1967)
The Rill Thing (1970)
Mr. Big (1971)
The King of Rock and Roll (1971)
Friends from the Beginning – Little Richard and Jimi Hendrix (1972)
Southern Child (1972)
Second Coming (1972)
Right Now! (1974)
Talkin' 'bout Soul (1974)
Little Richard Live (1976) all studio
Going All The Way With Little Richard (1979)
God's Beautiful City (1979)
Lifetime Friend (1986)
Shake It All About (1992)
Little Richard Meets Masayoshi Takanaka (1992)

Наводи

↑ McArdle, Terence. „Little Richard, flamboyant star of early rock-and-roll, dies at 87“. Washington Post (англиски). ISSN 0190-8286. Посетено на 2021-02-03.
↑ „Little Richard | Biography, Music, Songs, & Facts“. Encyclopedia Britannica (англиски). Посетено на 2021-02-03.
↑ https://www.bbc.com/serbian/lat/svet-52601051

Надворешни врски

Литл Ричард — AllMusic (англиски)
Литл Ричард на Семрежната филмска база на податоци (англиски)

Литл Ричард на Find a Grave (англиски)
Little Richard discography at Discogs
Little Richard interviewed on the Pop Chronicles (1969)
Little Richard Booking Agency

[1] McArdle, Terence. „Little Richard, flamboyant star of early rock-and-roll, dies at 87“. Washington Post (англиски). ISSN 0190-8286. Посетено на 2021-02-03.

[2] „Little Richard | Biography, Music, Songs, & Facts“. Encyclopedia Britannica (англиски). Посетено на 2021-02-03.

[3] ttps://www.bbc.com/serbian/lat/svet-52601051

[1]

[2]

[3]