Лештарка

Од Википедија — слободната енциклопедија
Лештарка
Научна класификација
Царство: Животни
Колено: Хордови
Класа: Птици
Ред: Кокошковидни
Семејство: Фазани
Потсемејство: Тетреби
Род: Лештарки
Вид: Лештарка
Научен назив
Tetrastes bonasia
(Linnaeus, 1758)
Синоними[2]

Bonasa bonasia (Linnaeus, 1758)

Лештарка или обична лештарка (науч. Tetrastes bonasia syn. Bonasa bonasia) — птица од родот лештарки (Tetrastes) и меѓу помалите членови на семејството на тетребите. Видот е непреселнички, присутен ширум северна Евроазија, на исток до Хокаидо (Јапонија), а на запад сè до средна и источна Европа. Живее во густи мешани иглолисни шуми, по можност онаму кајшто има смрча. Присутна е и во Македонија[3], каде во 2014 г. се забележани 312 единки.[4]

Гнездото го прави на земја и положува по 3–6 јајца. Женката ги квачи јајцата и самостојно се грижи за младите во текот на нивниот развој, што е типично за ловните птици.

Птицата е долга 35-39 см. Перјето има ситна шара, но горниот дел е претежно сив, крилата се кафеави, а од долната страна е просеано со дамки со костенлива боја.

На главата мажјакот има кратка ќулавка што ја исправаат и црн врат обрабен со бело. Женката има помала ќулавка и нема црн врат. Во лет може да се забележи сивата опашка со црн завршеток.

Мажјаците се огласуваат со ти-ти-ти-ти-ти, додека пак женките имаат послеано тет-тет-тет-тет-тет. Огласувањето и претањето на крилата честопати се единствениот начин да се утврди присуството на оваа птица, поради нејзината плашливост и густината на дрвјата што ги населува.

Птицата се храни на земја, претежно со растенија. Во сезоната на парење исхраната ја дополнува со инсекти.

Наводи[уреди | уреди извор]

  1. Bonasa bonasia. IUCN Red List. Version 2008. International Union for Conservation of Nature. 2004. Посетено на 11 мај 2006.
  2. Алан П. Питерсон. „Птици на светот — Тековни научни имиња на птиците“. Посетено на 27 јануари 2010. (англиски)
  3. Некритички список на птиците во Македонија - Македонско еколошко друштво, 10 септември 2012
  4. „Лештарка - Бројна состојба на дивечот,по години по региони“. Државен завод за статистика на РМ. Посетено на 3 февруари 2016.[мртва врска]

Галерија[уреди | уреди извор]