Коприви

Од Википедија — слободната енциклопедија
Прејди на: содржини, барај
Коприви
Illustration Urtica dioica0.jpg
Коприва (Urtica dioica)
Научна класификација
Царство: Растенија
Оддел: Скриеносеменици
Ред: Розовидни
Семејство: Коприви
Juss., 1789
Синоними

Cecropiaceae C. C. Berg[1]

Коприви (науч. Urticaceae) — семејство еднодомни или дводомни тревести или поретко грмушести растенија или мали дрвја, групирани во 54 до 59 родови со околу 2600 видови (според Кралски ботанички градини, Кју). Најпознат род од ова семејство е родот коприва (Urtica).

Морфологија[уреди | уреди извор]

Многу членови од ова семејство поседуваат специјализирани влакна на својата телесна површина, кои при контакт со друго тело прскаат и ослободуваат киселина. Листовите кај повеќето претставници се последователни или наспрамни, и речиси секогаш имаат прилисници.

Ситните, еднополови цветови се собрани во цимозни соцветија. Околуцветникот се состои најчесто од 4 до 5 недиференцирани венечни ливчиња, или, пак, може да отсуствува. Машките цветови обично имаат прашници на секое ливче од околуцветникот, ориентирани спротивно од ливчињата. Женските цветови имаат еден толчник со натцветен или потцветен плодник кој се состои од еден базален семенов зачеток на една локула. Устенцето е четковидно и издолжено или капитатно. Плодот е ахенија или костелка, додека кај одредени видови овие се здружуваат и даваат повеќеделен плод.

Цветен дијаграм на машки и женски цвет од Urtica.

Родови[уреди | уреди извор]

Галерија[уреди | уреди извор]

Наводи[уреди | уреди извор]

  1. Germplasm Resources Information Network (GRIN) (17 јануари 2003). „Family: Urticaceae Juss., nom. cons.“ (HTML). Таксономија за растенија. USDA, ARS, National Genetic Resources Program, National Germplasm Resources Laboratory, Белтсвил, Мериленд. http://www.ars-grin.gov/cgi-bin/npgs/html/family.pl?1165. конс. 24 април 2008 г.