Киро Хаџи Василев

Од Википедија — слободната енциклопедија
Прејди на прегледникот Прејди на пребарувањето

Киро Хаџивасилев (Кавадарци, 1921 – Охрид, 2000) бил македонски публицист, учесник во НОБ и општествено-политички работник во СР Македонија и СФРЈ[1].

Биографија[уреди | уреди извор]

Роден е 1921 во Кавадарци. Дипломирал на Институтот за општествени науки во Белград. Во НОБ се вклучил во 1943 година како борец на Втората македонска ударна бригада. Во 1944 година во Горно Врановци станал член на редакцијата на „Нова Македонија“. Бил дел од комисијата на АСНОМ за кодифицирање на македонскиот стандарден јазик.

По војната извршувал значајни општествено-политички функции. Во 1947 бил избран за министер за образование во Владата на СР Македонија[2].

Ги извршувал и функциите: Претседател на Советот за политички систем, Потпретседател на Сојузното собрание на СФРЈ, началник во Министерството за надворешни работи, Генерален конзул на СФРЈ во Истанбул. Одделно од ова, бил и член на Претседателството на ЦК СКЈ како претставник од СР Македонија.

Бил еден од покренувачите на списанието за литература, култура и уметност „Современост“.

Умрел 2000-та година во Охрид.

Автор е на повеќе студии и монографии од кои најзначајни се „Социјализмот и националното прашање“ и „Судбината на социјализмот“.

Наводи[уреди | уреди извор]

  1. Ристовски, Блаже (2009). Македонска енциклопедија. Скопје: Македонска академија на науките и уметностите. стр. 1576-1577. ISBN ISBN 978-608-203-024-1 (2). 
  2. "Службен весник на НР Македонија" (PDF). 1947. стр. 12 стр.