Злетовски манастир

Од Википедија — слободната енциклопедија
Прејди на прегледникот Прејди на пребарувањето
Злетовски манастир
Поглед на манастирските конаци
Информации
Целосно имеЗлетовски манастир
Други имињаМанастир „Св. Богородица Балаклија“
Манастир на:МПЦ - ОА
Основан2010
Посветен наБогородица Марија
ЕпархијаБрегалничка
ЦрквиЦрква „Св. Богородица Балаклија“
Личности
Место
Местово близина на Злетово, Општина Пробиштип Македонија Македонија
Координати42°00′50.6″N 22°15′34.7″E / 42.014056° СГШ; 22.259639° ИГД / 42.014056; 22.259639Координати: 42°00′50.6″N 22°15′34.7″E / 42.014056° СГШ; 22.259639° ИГД / 42.014056; 22.259639
Видливи остатоци1 црква, конаци
Оторен за јавностда
Други информации(Злетовска парохија)

Злетовски манастирманастир во Злетовско-пробиштипско, во источниот дел од Македонија. Се наоѓа на падините на Осоговските Планини, во месноста Марена, на околу 5 км од селото Злетово, непосредно на левата страна од Злетовска Река. Претставува метох на Лесновскиот манастир.[1][2]

Историја[уреди | уреди извор]

Манастирот бил осветен од страна на Архиепископот Охридски и Македонски г.г. Стефан на 16 мај 2010 година, а на церемонијата на осветувањето присуствувале надлежниот Митрополит Брегалнички г. Иларион, Митрополитот Повардарски г. Агатангел, претставници на Владата на Република Македонија и верници од повеќе градови во Македонија. Во своето обраќање, Архиепископот Охридски и Македонски г.г. Стефан споменал дека на местото некогаш постоел манастир посветен на Пресвета Богородица и дека во него живееле и се молеле монаси. Планирано било монашкиот живот да се врати во новоизградениот манастир. Ктитор на манастирот е пратеникот во Собранието на Република Македонија Чедо Петров од Пробиштип, кому во знак на благодарност му бил доделен Орден на Брегалничката епархија со ликот на Свети Никола.[1][2]

Градби[уреди | уреди извор]

Во склоп на манастирот спаѓаат манастирската црква, конаците и мал помошен објект.

Црква „Свети Богородица Балаклија“[уреди | уреди извор]

Црквата се наоѓа во средишниот дел од манастирот. Градбата има правоаголна основа и по својот облик претставува крсто-куполен храм, при што куполата има осумаголна основа и на секоја од осумте страни има монофора. Целата градба е покриена со ќерамиди. Камбанаријата на црквата е сместена од десната страна на нејзиниот заден дел.

Конаци[уреди | уреди извор]

Во конаците било планирано да се обнови монашкиот живот кој се верува дека постоел во манастир кој некогаш се наоѓал на истото место.

Галерија[уреди | уреди извор]

Наводи[уреди | уреди извор]

Надворешни врски[уреди | уреди извор]