Дајре

Од Википедија — слободната енциклопедија
Прејди на прегледникот Прејди на пребарувањето
Дајре
Дајре
Дајре
Класификација
Скала

висок звук на ѕвецкање, плус некои дајриња со кожа имаат ниски звуци

Сродни инструменти

Дајре — вид мал, рачен тапан со една мембрана, растегната на дрвен, а поретко на метален обрач [1]. По должината на обрачот врежани се отвори, во кои се вметнати прапорци или метални плочки.

Инструментот се тресе или удира со рака, или пак се струга по опната или по обрачот, при што прапорците ѕвецкаат.

Дајрето има многу различни форми, но најчеста е кружната. Го има во многу форми на музиката:италијанската народна музика, бугарската народна музика, класичната музика, ромската музика, персиската музика, госпел музиката, поп музиката и рок музиката. Зборот дајре, односно tambourin потекнува од средноперсискиот збор tambūr што значи "лира, тапан".[2]

Како фолклорен инструмент дајрето е раширено во Европа уште од средниот век, посебно во земјите на Средоземјето.

Дајрето е одомаќено на Балканот. Се употребува како придружба на танцување или пеење. Дајрето се појавува и во оркестар.

Историја[уреди | уреди извор]

Дајрето потекнува од Египет, каде Евреите го викале тоф, тимбрел или таберт. Инструментот бил користен исклучиво за религионзи потреби,[3] и споменат е во Стариот Завет и во еднинска и во множинска форма. Израелитите научиле да го користат дајрето за време на нивниот престој во Египет, а во единаесеттото издание на Енциклопедија Британика било споменато дека Египќаните го користеле дајрето за да ги избркаат лошите духови.[4]

Дајрето било омилен инструмент на жените кои танцувале свирејќи на дајре, а според библиската пророчица Мирјам, дајрето се користело при победнички песни или во придружба на харфа на банкети и процесии. Ова е ееден од инструментите кои ги користел кралот Давид и неговите музичари кога танцувал пред Заветниот ковчег. Исто така дајрето било употребувано во Геенската долина кај Ерусалим, при жртвување на деца.[4]

Македонско дајре[уреди | уреди извор]

Во Македонија, дајрето се смета за македонски народен ударен инструмент кој се користи за одржување на ритам. Мембраната на дајрето е направена од козја кожа оптегната врз дрвен обрач. По работ на инструментот лабаво се поставени метални дискови во парови, кои призведуваат кус, кршлив звук кога свирачот удира по дајрето со рачниот зглоб и прстите. Името дајре во македонскиот доаѓа од турскиот јазик, што значи круг. По обичај, дајрето е женски инструмент и понекогаш се користи на слави, свадби.

Галерија[уреди | уреди извор]

Наводи[уреди | уреди извор]

  1. Даире, Традиционална музика Јужне Србије и Македоније срп.
  2. "tambourine | Origin and meaning of tambourine by Online Etymology Dictionary". www.etymonline.com. конс. 2018-02-26. 
  3.  One or more of the preceding sentences вклучува текст од издание кое сега е во јавна сопственостSchlesinger, Kathleen. (1911). „Timbrel“. Енциклопедија Британика (XI). Cambridge University Press. (англиски)
  4. 4,0 4,1 Schlesinger 1911.

Надворешни врски[уреди | уреди извор]